Bókasöfn

Norðurþing rekur þrjú bókasöfn; á Húsavík, Kópaskeri og Raufarhöfn. Auk útlána á bókum bjóða söfnin upp á ýmis konar þjónustu svo sem útlán myndbanda, mynddiska, hljóðbóka og tímarita. Aðgangur að tölvum og/eða neti er aðeins til staðar fyrir lánþega á Húsavík. Þar er einnig skemmtilegt barnahorn og setkrókur þar sem hægt er að fletta blöðum dagsins meðan sötrað er á kaffi.  Bókasafnið á Húsavík sér um að útvega bækur með millisafnaláni.