Eigendur Bjarnastaða, Austaralands, Ferjubakka og Sigtúns óska eftir að stofna deild úr fjallskilafélagi Öxfirðinga

Fyrir bæjarráði liggur erindi frá eigendum Bjarnastaða, Austaralands, Ferjubakka og Sigtúns þar sem óskað er eftir að sveitarfélagið heimili að stofnuð verði deild úr fjallskilafélagi Öxfirðinga. Jarðirnar eru á afmörkuðu svæði og hafa eigendur þeirra ekki nýtt sér upprekstur á önnur afréttarlönd. Bæjarráð vísar erindinu til framkvæmda- og hafnanefndar.

Eigendur Austaralands, Sigtúna, Bjarnastaða og Ferjubakka óska með bréfi eftir við sveitarfélagið að fá að stofna deild út úr fjallskiladeild Öxarfjarðar (Öxarfjarðardeild) fyrir þessar jarðir því þær eru á afmörkuðu svæði og eigendur hafa ekki nýtt sér upprekstur á önnur afréttarlönd. Framkvæmda- og hafnanefnd frestar afgreiðslu málsins. Nefndin felur f&h-fulltrúa að afla gagna um málið hjá fjallskilastjórn á svæðinu og leggja fyrir nefndina. Reglugerð um fjallskil er þegar í gildi.

Erindi frá eigendum jarðanna var tekið fyrir á fundi f&h þann 3. sept. sl. Nefndin óskaði eftir áliti fjallskilastjóra á svæðinu. Það hefur nú borist og kemur þar fram að þrjár jarðir til viðbótar þurfi að tilheyra þessu svæði til þessað það getir orðið fjallskilahólf: Vestara-Land I og II og Hafurstaðir. Það er, að mati fjallskilastjóranna, grundvallaratriði að bætist þessar þrjár jarðir við er ekkert því til fyrirstöðu að gera svæðið að sér fjallskilafélagi. Framkvæmda- og hafnanefnd getur ekki orðið við erindinu með vísan í fundargerð fjallskilastjóra.