Ölver Þráinsson sækir um byggingarleyfi fyrir bílskúr

Óskað er eftir byggingarleyfi fyrir bílskúr/geymslu að Brávöllum 7 skv. framlögðum teikningum eftir Örn Sigurðsson byggingartæknifræðing. Um er að ræða timburhús á steinsteyptum grunni, 33,4 m² að flatarmáli og 106,2 m³ að rúmmáli. Fyrir liggur skriflegt samþykki nágranna fyrir byggingunni.

Umsækjanda byggingarleyfis fyrir bílskúr var heimilað að byggja 33 m2 geymsluhús að Brávöllum 7 fyrr á árinu 2017. Útreiknuð gatnagerðargjöld vegna mannvirkisins eru tæplega 500.000,- kr. Er gjaldtakan til samræmis við gjaldskrá um gatnagerðarfjöld í Norðurþingi. Umsækjanda finnst gjaldtakan óþörf og ósanngjörn, "enda gatan löngu frágengin og ekki þörf á frekari gatnagerð vegna þessarar viðbyggingar" Umsækjandi óskar eftir niðurfellingu á gjaldinu, eða lækkunar til vara.

Fyrir framkvæmdanefnd liggur að taka ákvörðun um hvort breyta skuli gjaldskrá gatnagerðargjalda í þeim tilfellum þegar verið er að bæta við hús eða byggja bískúra eftir að gatnagerð er lokið.
Er þá verið að horfa til þess að helminga greiðslur m.v. gjaldskrá eða jafnvel að fella þær alveg niður.