Skipun fulltrúa í fulltrúaráð Eyþings.

Í byggðarráði er lagt fram bréf frá Eyþingi þar sem óskað er eftir því að sveitarfélögin á aðildarsvæðinu skipi í svokallað fulltrúaráð, samkvæmt 5.2. gr í lögum Eyþings. Í ráðinu sitja 20 fulltrúar kosnir af sveitarstjórnum til tveggja ára í senn. Kjörgengir í fulltrúaráð eru þeir sömu og kjörgengir eru á aðalfundi Eyþings. Aðalmenn í stjórn Eyþings eru sjálfkjörnir í fulltrúaráðið og formaður stjórnar er jafnframt formaður fulltrúaráðs. Ráðið skiptir að öðru leyti með sér verkum.

Er þess óskað að Norðurþing skipi 2 fulltrúa í fulltrúaráð og upplýsi Eyþing um hverjir skuli sitja í ráðinu í síðasta lagi 22. október 2018.