Hjálmar Bogi leggur til að tryggingar sveitarfélagins verði endurskoðaðar og í framhaldinu boðnar út.

Undirritaður leggur til að tryggingar sveitarfélagins verði endurskoðaðar og í framhaldinu boðnar út. Sveitarfélagið er í viðskiptum við Vátryggingarfélag Íslands (VÍS) sem nýlega lokaði útibúi sínu á Húsavík og því tækifæri til að endurskoða stöðu mála varðandi tryggingar. Um leið þarf að skoða tryggingar stofnana og fyrirtækja sveitarfélagsins með ólíka starfsemi.

Virðingafyllst,
Hjálmar Bogi Hafliðason.

Á 96. fundi sveitarstjórnar Norðurþings var tekin fyrir tillaga Hjálmars Boga Hafliðasonar um að tryggingar sveitarfélagsins verði endurskoðaðar og í framhaldinu boðnar út.

Á fundinum var bókað;
Til máls tóku; Hjálmar Bogi og Helena Eydís.
Helena leggur til að málinu verði vísað til byggðarráðs til meðferðar.
Tillaga Helenu borin undir atkvæði.
Samþykkt samhljóða.

Á fund byggðarráðs koma Þorvaldur Þorsteinsson og Ingvi Hrafn Ingvason frá VÍS.

Á 309. fundi byggðarráðs var tekið fyrir ofangreint erindi.

Á fundinum var bókað;

Kristján Þór Magnússon vék af fundi undir þessum lið.

Byggðarráð þakkar Þorvaldi og Ingva Hrafni fyrir komuna.
Byggðarráð frestar afgreiðslu tillögu Hjálmars Boga til næsta fundar.

Á fundinum er lögð fram samantekt um málið frá Hallgrími Jónssyni lögfræðingi hjá Pacta lögmönnum.