Bréf frá Örlygi Hnefli Jónssyni

Stjórn Orkuveitu Húsavíkur ohf þakkar erindi Örlygs og tekur eftirfarandi afstöðu til þeirra mála sem þar koma fram.

Þistill í landi Stekkjarholts.
Orkuveita Húsavíkur telur að umrædd jurt hafi ekki borist í land Stekkjarholts við framkvæmdir á vegum OH á svæðinu og samþykkir því ekki bótaskyldu í málinu.

Endurnýjun stofnlagnar hitaveitu í Reykjahverfi.
Rétt er sem fram kemur í erindinu að fyrirhuguð er endurnýjun stofnalganar hitaveitu í Reykjahverfi. Fyrsta hluta framkvæmdarinnar er þegar lokið, en gert er ráð fyrir framkvæmdum vegna annars og þriðja hluta á næsta ári. Haft er samband við hlutaðeigandi landeigendur í tengslum við endurnýjun lagnarinnar áður en framkvæmdir hefjast.

Söluverðmæti hitaveituvatns.
Varðandi upplýsingar um söluverðmæti hitaveituvatns er vísað til ársskýrslna Orkuveitu Húsavíkur ohf sem aðgengilegar eru á heimasíðu félagsins, www.oh.is.

Öflun frekari gagna og/eða álita er þörf varðandi önnur atriði sem fram koma í erindinu, þar sem um er að ræða tveggja áratuga gamla framkvæmd.

Stjórn Orkuveitu Húsavíkur ohf hafnar kröfu landeiganda m.a. í ljósi þeirrar staðreyndar að núverandi lögn liggur í sama lagnarstæði og áður sem verið hefur óbreytt allt frá árinu 1970. Í engu hefur verið hreyft við mótmælum eða athugasemdum við heitavatnslögnina í þessu lagnastæði á hefðartíma hennar fram til 1990.