Rannsóknarstöðin Rif óskar eftir leyfi til uppsetningar á rykmælum við Raufarhöfn

Rannsóknarstöðin Rif óskar leyfis til uppsetningar þriggja rykmæla á ásnum inn af Raufarhöfn. Mælar yrðu staðsettir nærri húsi Neyðarlínunnar þar sem ætlunin er að tengjast rafmagni. Í erindi liggur fyrir lýsing á þeim búnaði sem ætlunin er að setja upp og áætlaðri staðsetningu. Ennfremur liggja fyrir ljósmyndir af samskonar búnaði. Fyrirhugað er að mælingar standi yfir í allt að tvö ár.