Fara í efni
Vefmyndavél

Beiðni um umsögn vegna vindorkugarðs að Hnotasteini

Málsnúmer 202103041

Vakta málsnúmer

Skipulags- og framkvæmdaráð - 92. fundur - 23.03.2021

Skipulagsstofnun óskar umsagnar Norðurþings um tillögu að matsáætlun vegna fyrirhugaðs vindorkugarðs að Hnotasateini. Tillaga að matsáætlun er unnin af Eflu verkfræðistofu og dagsett 16. desember 2020. Áform Qair Iceland ehf lúta að uppbyggingu allt að 200 MW vindorkugarðs innan 3.330 ha svæðis á Hólaheiði.
Skipulags- og framkvæmdaráð Norðurþings telur að tillaga að matsáætlun geri ágæta grein fyrir fyrirhugaðri framkvæmd. Ráðið gerir ekki athugasemdir við þá umhverfisþætti sem matið á að taka til, þá valkosti sem lagt verður mat á, gagnaöflun, úrvinnslu gagna eða framsetningu í frummatsskýrslu.
Framkvæmdaaðili þarf að afla framkvæmdaleyfis hjá sveitarfélaginu Norðurþingi skv. 14. gr. skipulagslaga og afla byggingarleyfis fyrir hverri vindmyllu skv. 9. gr. laga um mannvirki nr. 160/2010.