Fyrirspurn vegna lóðar undir gagnaversstarfsemi við Bakka

GreenBlocks ehf óska eftir tímabundnum afnotum lóðar Tröllabakka 1 (F1) á iðnaðarsvæðinu á Bakka. Ætlunin er að byggja upp gagnaver á lóðinni. Fyrst um sinn yrði uppbyggingin í formi lausra gámaeininga en horft til varanlegri uppbyggingar síðar. Á þessu stigi er horft til afnota af lóðinni til tveggja ára.

Á 102. fundi skipulags- og framkvæmdaráðs var bókað;
Skipulags- og framkvæmdaráð tekur jákvætt í erindið en frestar tillögugerð að lóðarúthlutun. Í ljósi viljayfirlýsingar sem gerð var við Carbon Iceland á síðasta ári leggur skipulags- og framkvæmdaráð til að byggðaráð taki við formlegri afgreiðslu málsins til samræmis við skuldbindingar sem finna má í viljayfirlýsingunni. Á lóðinni standa nú vinnubúðir, en gert er ráð fyrir að eigendur fjarlægi þær áður en til úthlutunar kemur.