Kynjahlutföll í nefndum Norðurþings

Aldey Unnar Traustadóttir óskar eftir því að ræða kynjahlutfjöll í nefndum sveitarfélagsins. Í erindi með ósk hennar segir: "Sveitarfélög gegna gríðarlega mikilvægu hlutverki í öllu sem viðkemur jafnrétti kynja, þetta er stjórnsýslustigið sem stendur næst fólki og hefur mest áhrif á daglegt líf þeirra. Sveitarfélög bera ábyrgð og þurfa að sýna fordæmi. Það þarf að hafa kynja- og jafnréttissjónarmið til hliðsjónar í öllum ákvarðanatökum og það er mjög mikilvægt að kjörnir fulltrúar hafi þekkingu á jafnréttismálum og séu meðvituð um að þeim sé sinnt.

Í fjölskylduráði eru eingöngu konur aðalmenn og í hafnarnefnd eru eingöngu karlar aðalmenn. Þetta stangast á við 28. gr. laga nr. 150/2020 um jafna stöðu og jafnan rétt kynjanna."