Bæjarhátíðir í Norðurþingi

Á fundinn komu Charlotta Englund fulltrúi Sólstöðuhátíðar, Nanna Steina Höskuldsdóttir fulltrúi Menningar- og hrútadaga og Guðrún Huld Gunnarsdóttir fulltrúi Mærudaga.

Fjölskylduráð þakkar þeim fyrir komuna og þeirra innlegg í umræðuna.
Ráðið er ánægt með hvernig tekist hefur til með þær hátíðir sem þegar hafa verið haldnar. Ráðið felur íþrótta- og tómstundafulltrúa að boða fulltrúa Húsavíkurstofu á fund ráðsins til umræðu um Mærudaga.
Norðurþing hefur til þessa ekki verið með fasta samninga um bæjarhátíðir og framkvæmd þeirra og telur ekki tilefni til þess að taka það upp.

Fjölskylduráð þakkar Huld Hafliðadóttur, verkefnastjóra, fyrir komuna á fundinn.

Fjölskylduráð áformar að halda opinn íbúafund um mærudaga á haustdögum.

Lagt fram til kynningar.