Bæjarráð Norðurþings

Á fund bæjarráðs mættu Rafnar Orri Gunnarsson og Harry Bjarki Gunnarsson og kynntu þeir starfsemi Víkurblaðsins ehf. Á 109. fundi bæjarráðs (mál nr. 201406069) var til umfjöllunar erindi um þjónustusamning við fyrirtækið um upptökur og endurgerð á heimasíðu sveitarfélagsins. Rafnar Orri og Harry Bjarki fóru yfir og kynntu hugmyndir að úrvinnslu á endurnýjun heimasíðu Norðurþings ásamt öðrum tengdum hugmyndum. Bæjarráð þakkar þeim fyrir áhugaverða kynningu.

Fyrir bæjarráði liggur til kynningar samantekt rekstrar- og tekjuyfirlits Norðurþings fyrstu 6 mánuði ársins 2014. Lagt fram til kynningar.

Fyrir bæjarráði liggur til kynningar vaxtakjör Lánasjóðs sveitarfélaga vegna yfirtöku og skiptingu á lánveitingu sjóðsins til Sorpsamlags Þingeyinga ehf. Lagt fram til kynningar.

Fyrir bæjarráði liggur til kynningar upplýsingar um stöðu mála vegna uppbyggingar iðjuvers á Bakka. Bæjarstjóri, Bergur Elías Ágústsson fór yfir og kynnti helstu upplýsingar um framgang verkefnisins en m.a. kom fram að Minjastofnun Íslands hefur lokið öllum fornleifarannsóknum og gerir hún ekki kröfu um frekari rannsóknir á lóð PCC. Lagt fram til kynningar.

Fyrir bæjarráði liggur að skipa fjallskilastjóra í Reykjahverfi, Húsavík, Kelduhverfi, Öxarfirði, Núpasveit og á Melrakkasléttu.Eftirtaldir eru skipaðir fjallskilastjórar í Norðurþingi.Í Reykjahverfi Ómar Sigtryggsson - Litlu Reykjum.Á Húsavík Aðalsteinn Árni Baldursson - Skógargerðismel.Í Kelduhverfi Einar Ófeigur Björnsson - Lóni.Í Öxarfirði Stefán Pétursson - Klifshaga.Í Núpasveit Sigurður Árnason - Presthólum.Á Melrakkasléttu Kristinn B. Steinarsson - ReistarnesiBæjarráð samþykkir fyrirliggjandi tillögu.

Fyrir bæjarráði, í umboði bæjarstjórnar, liggur til staðfestingar fundargerð 32. fundar Tómstunda- og æskulýðsnefndar. Fundargerðin staðfest.