Bæjarráð Norðurþings

Fyrir bæjarráði liggur fyrir aðalfundarboð Eyþings 2012. Aðalfundurinn fer fram 5. og 6. október í Bergi á Dalvík. Lagt fram til kynningar.

Fyrir bæjarráði liggur erindi frá Axel Yngvasyni vegna samnings um rekstur ferðaþjónustunnar í Lundi. Erindinu er vísað til afgreiðslu í framkvæmda- og hafnanefnd.

Fyrir bæjarráði liggur fundarboð á ársfund Jöfnunasjóðs sveitarfélaga sem fram fer um leið og árleg fjármálaráðstefna sveitarfélaga 26. október n.k. og hefst hann kl. 16:00 Fundarboðin lögð fram til kynningar.

Fyrir bæjarráði liggur aðalfundarboð Eignarhaldsfélagsins Fasteign hf. sem fram fer 27. oktober n.k. og hefst hann kl. 12:00 í Reykjavík. Bæjarráð felur bæjarstjóra, Bergi Elíasi Ágústssyni að fara með umboð sveitarfélagsins á aðalfundinum.

Fyrir bæjarráði liggur til kynningar fundargerð Orkuveitu Húsavíkur ohf., sem fram fór 18. september s.l. Fundargerðin lögð fram til kynningar.

Fyrir bæjarráði liggur styrkbeiðni frá Krabbameinsfélagi Norðausturlands. Styrkbeiðnin hljóðar upp á 75.000.- og er ætlað að mæta aksturskostnaði. Bæjarráð sér sér ekki fært að verða við erindinu.

Fyrir bæjarráði liggur ósk Sýslumannsins á Húsavíku um umsögn vegna leyfisveitingar til handa Sveini Hreinssyni f.h. Norðurþings vegna félagsheimilisins Hnitbjörg á Raufarhöfn. Bæjarráð veitir jákvæða umsögn að því tilskyldu að allir sem um slík leyfi fjalla geri slíkt hið sama.

Fyrir bæjarráði liggur til umsagnar frá Velferðarnefnd Alþingis málefni innflytjenda, 64. mál. Lagt fram til kynningar.

Fyrir bæjarráði liggur aðalfundarboð Sambands orkusveitarfélaga sem fram fer föstudaginn 28. september n.k. og hefst hann kl. 13:00 í Hörpu. Bæjarráð felur Hjálmari Boga Hafliðasyni að fara með umboð sveitarfélagsins á fundinum.

Bæjarstjóri fór yfir og kynnti vinnu við gerð fjárhagsáætlunar ársins 2013. Lagt fram til kynningar.