Félagsmálanefnd

Sveitarstjóri kom á fundarins og kynnti verkefnið sem snýst um að koma á fót íhlutun í nokkrum sveitarfélögum á Íslandi sem snýr að fjölþættri heilsueflingu fyrir eldri aldurshópa.
Nefndin óskar eftir að Janus Guðlaugsson kynni verkefnið ítarlega fyrir hagsmunaaðilum í sveitarfélagi. Sveitarstjóra er falið að halda viðræðum um verkefnið áfram við JG.

Dögg Káradóttir félagsmálastjóri er að fara í 6 mánaða veikindaleyfi. Díana Jónsdóttir mun leysa félagsmálastjóra af.

Formaður leggur fram drög að bréfi um öldungarráð til samþykktar.
Nefndin samþykkir framlagt erindi.

Formaður kynnir vinnu við erindisbréf nefndarinnar. Félagsmálastjóra falið að vinna drög að erindisbréfi.

Fyrir nefndinni liggur ósk um undanþágu fyrir búsetuskilyrðum skv. 3.gr. a. og b. liðar reglna um félagslegar íbúðir.
Erindinu hafnað.

Fyrir fundinum liggur erindi frá fjölskyldu sem nýtir sér skammtímavistun að bætt verði við einni helgi í mánuði þannig að ekki verði fleiri en 3 einstaklingar í einu svo allir hafi
sitt herbergi
Samkvæmt 22. gr. laga um málefni fatlaðs fólks nr. 59/1992 þá skulu foreldrar eiga kost á skammtímavistun fyrir fötluð börn sín þegar þörf krefur. Á Húsavík er starfrækt skammtímavistun eina helgi í mánuði. Í húsnæðinu sem skammtímavistunin er rekin í eru 3 svefnherbergi. Lengst af hafa 3 einstaklingar nýtt þjónustuna en á haustmánuðum bættist fjórði einstaklingurinn við. Í skammtímavistuninni eru 2 drengir og 2 stúlkur.
Reynt er að þjónusta þær fjölskyldur sem þurfa á þessu úrræði að halda og þar sem við erum í litlu samfélagi verðum við að reyna að samnýta það sem við getum samnýtt.
Ekki er gert ráð fyrir auknu fjármagni í skammtímavistun árið 2016 því hafnar nefndin erindinu.

Félagsmálastjóri fór yfir verkefni félagsþjónustunnar árið 2015

Sveitarstjóri fór yfir samskipti sín við félag FEB varðandi húsnæðið á Garðarsbraut 44
ASS formaður FEB gerði grein fyirir aðdraganda málsins. EÁ kynnti erindi félagsins til nefndarinnar, sjá viðhengi.

Fyrir nefndinni liggur erindi frá Félagi eldri borgara á Húsavík um að Norðurþing tryggi greiðslur á láni sem félagið tekur vegna kaupa á húsnæði að Garðarsbraut 44.
Þann 24. nóvember 2015 var undirritaður samningur við FEB Húsavík sem tók gildi þann 1. janúar sl.
Um þjónustusamning er að ræða, ekki leigusamning. Samningurinn er ótímabundinn en uppsegjanlegur að hálfu beggja aðila með 6 mánaða fyrirvara. Áætlaður kostnaður vegna þjónustusamningsins er um 2 milljónir króna á ári. Styrkur til félagsins er einungis hluti af þeirri upphæð þar sem félagið leggur fram vinnu á móti. Styrkurinn felst í því að FEB Húsavík fær fullt umráð yfir hinu leigða húsnæði og getur einnig nýtt það á öðrum tíma en félagsstarfið fer fram.
Í samningnum felst að Norðurþing leggur FEB til full afnot af húsnæði, Snælandi (neðri hæð og kjallara), greiðir af því húsaleigu, rafmagn og hita. Ræstingarnar eru innifaldar í leigunni. Á móti tekur FEB Húsavík að sér þjónustu samkvæmt IX kafla laga um félagsþjónustu sveitarfélaga nr. 40/1991 með síðari breytingum á lögum um málefni aldraðra.
Nefndin lýsir yfir ánægju sinni með kraft og frumkvæði félagsins og lýsir yfir vilja til að endurskoða þjónustusamning við næstu fjárhagsáætlunargerð. Þó er ljóst að til þess þarf aukið fjármagn inn í málaflokkinn. Nefndin vísar málinu til byggðarráðs til umfjöllunar.

Nefndin lýsir ánægju með framkomið frumvarp og gerir engar athugasemdir við það.