Fræðslu- og menningarnefnd Norðurþings

Mættar voru Þórgunnur R. Vigfúsdóttir skólastjóri og Sólveig Mikaelsdóttir fulltrúi kennara. Þórgunnur kynnti breytingar á starfsmannahaldi og reglur um afleysingar vegna forfalla starfsmanna Borgarhólsskóla sem samþykktar voru til að ná markmiðum fjárhagsáætlunar 2013. Starfsfólk Borgarhólsskóla ásamt fræðslu- og menningarnefnd fagnar fyrirhugaðri uppbyggingu mötuneytis við Borgarhólsskól sem verður tekið í gagnið í byrjun nóvember. Fulltrúar Borgarhólsskóla viku af fundi kl. 17:25

Fræðslu- og menningarfulltrúi kynnti vinnu við endurupptöku fjárhagsáætlunar fyrir málaflokka nefndarinnar.

Sigurður Aðalgeirsson kennsluráðgjafi kynnti námskeið og þróunarverkefni á vegum Skólaþjónustu Norðurþings skólaárið 2013-2014.

Menningarráð Eyþings óskar eftir athugasemdum frá sveitarfélögum á drögum um stefnu í menningarmálum á starfssvæði Eyþings 2013-2020. Fræðslu- og meninngarnefnd gerir ekki athugasemdir við drögin.

Fundargerð 75. fundar Þekkingarnets Þingeyinga lögð fram til kynningar.

Fræðslu- og menningarfulltrúi lagði meðfylgjandi minnisblað með verkefnum og verkefnastöðu í júní fram til kynningar. Þar sem þetta er síðasti fundur Huldar Aðalbjarnardóttur Fræðslu- og menningarfulltrúa vill nefndin nota tækifærið og þakka henni gott samstarf og vel unnin störf og óska henni velfarnaðar á nýjum starfsvetvangi.