Fræðslu- og menningarnefnd Norðurþings

Katý Bjarnadóttir, áheyrnarfulltrúi Tjörneshrepps mætti á fundinn.Guðrún Kristín Jóhannsdóttir, forstöðumaður Bókasafnsins á Húsavík mætti á fundinn. Guðrún Kristín gerði grein fyrir fjárhagsáætlun bókasafnsins árið 2015. Gert er ráð fyrir óbreyttri starfsemi, gera þarf ráð fyrir einhverjum sumarlokunum til að rúmast innan fjárhagsramma.

Guðrún Kristín Jóhannsdóttir kynnti tillögu að gjaldskrá bókasafna árið 2015. Fræðslu- og menningarnefnd samþykkir fyrirliggjandi tillögu. Guðrún Kristín vék af fundi kl. 09:20.

Fulltrúar Borgarhólsskóla, Jón Höskuldsson deildarstjóri, Kolbrún Ada Gunnarsdóttir fulltrúi kennara og Snæbjörn Sigurðarson fulltrúi foreldra mættu á fundinn. Erla Sigurðardóttir fræðslu- og menningarfulltrúi kynnti fjárhagsáætlun skólans vegna ársins 2015 í forföllum skólastjóra. Umræður um kjarasamninga kennara og starfsumhverfi skóla. Katý Bjarnadóttir áheyrnarfulltrúi Tjörneshrepps vék af fundi kl. 09:40.

Erla kynnti fjárhagsáætlun mötuneytis Borgarhólsskóla vegna ársins 2015 í forföllum skólastjóra. Gert er ráð fyrir óbreyttri gjaldskrá. Jón Höskuldsson greindi frá rekstri mötuneytisins og reynslunni af því. Fulltrúar Borgarhólsskóla viku af fundi kl.10:00.

Hrund Ásgeirsdóttir aðstoðarskólastjóri Öxarfjarðarskóla og Guðríður Baldvinsdóttir fulltrúi foreldra mættu á fundinn. Guðlaug Ívarsdóttir fulltrúi starfsmanna var í símafundi. Hrund Ásgeirsdóttir og Erla Sigurðardóttir gerðu grein fyrir fjárhagsáætlun vegna ársins 2015. Fulltrúar Öxarfjarðarskóla viku af fundi kl. 10:30.

Í forföllum skólastjóra gerði fræðslu- og menningarfulltrúi grein fyrir fjárhagsáætlun vegna ársins 2015.

Farið yfir tillögur að gjaldskrá. Fræðslu- og menningarnefnd leggur til að gjaldskrá fylgi verðlagi. Fyrirliggjandi tillaga að gjaldskrá samþykkt.

Fulltrúar leikskólans Grænuvalla Sigríður Valdís Sæbjörnsdóttir skólastjóri, Lilja Sigurðardóttir fulltrúi starfsfólks og Birgitta Bjarney Svavarsdóttir fulltrúi foreldra mættu á fundinn. Sigríður Valdís gerði grein fyrir fjárhagsáætlun leikskólans Grænuvalla vegna ársins 2015.

Farið yfir tillögu að gjaldskrám. Lagt til að gjaldskrá verði óbreytt milli ára.

Handbókin lögð fram til kynningar. Fræðslu- og menningarnefnd leggur árherslu á að leikskólar og leikskóladeildir innan sveitarfélagsins kynni sér handbókina og starfi samkvæmt henni. Telji stjórnendur einstakra deilda að aðlaga þurfi handbókina þeirra starfsemi ber þeim að gera tillögur þar um í samvinnu við fræðslu- og menningarfulltrúa og leggja fyrir nefndina til staðfestingar. Fulltrúar Grænuvalla viku af fundi kl. 11:40.

Erla Sigurðardóttir gerði grein fyrir fjárhagsáætlun vegna skólaþjónustu fyrir árið 2015.