Fræðslunefnd

Guðrún S. Kristjánsdóttir skólastjóri Öxarfjarðarskóla kynnti skólann og starfssemi hans fyrir fræðslunefnd.
Fræðslunefnd fór að lokinni heimsókn í Öxarfjarðarskóla til Kópaskers og heimsótti leikskóladeildina þar.

Þar sem mötuneyti Öxarfjarðarskóla er ekki rekið sérstaklega og fæðisgjöld nemenda eingöngu innheimt til samræmis við hráefniskostnað hverju sinni er ekki um eiginlega gjaldskrá að ræða. Mötuneytið tilheyrir fjárhag skólans og umræða um tekjur þess því færð undir umræðu um fjárhagsáætlun Öxarfjarðarskóla.

Skólastjóri gerir ráð fyrir í útgönguspá fyrir árið 2017 að launakostnaður fari um 10 milljónum fram úr áætlun. Kjarasamningur kennara var samþykktur eftir að fjárhagsáætlun var samþykkt og er laus að nýju í nóvember á þessu ári. Þá voru launahækkanir annarra starfsmanna umfram það sem áætlað var.

Lögð er fram til kynningar fyrir áheyrnarfulltrúa Öxarfjarðarskóla og Grunnskóla Raufarhafnar gjaldskrá leikskóla Norðurþings sem samþykkt var á fundi fræðslunefndar þann 12. september.

Birna Björnsdóttir skólastjóri Grunnskóla Raufarhafnar kynnti skólann og starfssemi hans fyrir fræðslunefnd.

Þar sem mötuneyti Grunnskóla Raufarhafnar er ekki rekið sérstaklega og fæðisgjöld nemenda eingöngu innheimt til samræmis við hráefniskostnað hverju sinni er ekki um eiginlega gjaldskrá að ræða. Mötuneytið tilheyrir fjárhag skólans og umræða um tekjur þess því færð undir umræðu um fjárhagsáætlun Grunnskóla Raufarhafnar.

Skólastjóri gerir ráð fyrir í útgönguspá fyrir árið 2017 að launakostnaður fari um 3,5 milljónum fram úr áætlun. Kjarasamningur kennara var samþykktur eftir að fjárhagsáætlun var samþykkt og er laus að nýju í nóvember á þessu ári. Einnig voru launahækkanir annarra starfsmanna umfram það sem áætlað var. Verið er að ganga frá ráðningu starsfmanns sem mun sinna gæslu nemenda í skólanum en ekki var gert ráð fyrir því í fjárhagsáætlun.