Sundlaug Húsavíkur

Tómstunda- og æskulýðsnefnd ákveður að breyttur opnunartími verði á vetraropnun Sundlaugar Húsavíkur frá og með 1.september 2015. Opnunartímar verða auglýstir síðar.

Lagt fram til kynningar.

Nefndin lýsir yfir áhyggjum sínum af aðstöðuleysi fatlaðra í Sundlaug Húsavíkur. Daglega koma upp vandamál þessu tengdu í Sundlauginni.
Eftirfarandi atriði þarf meðal annars að laga:

- Anddyri sundlaugarinnar er þröngt og getur verið erfitt fyrir fatlaða að athafna sig þar
- Mikilvægt er að koma upp fjölskylduherbergi með góðu aðgengi fyrir hjólastóla. Með fjölskylduherbergi er átt við sér búningsherbergi þar sem einstaklingar geta haft með sér fylgdarmann.
- Rampurinn er þröngur og aðgengi fyrir sjúkrafluttninga er erfitt.

Nefndin vísar málinu til framkvæmda og hafnanefndar til frekari umsagnar og úrlausnar.

Æskulýðs- og menningarnefnd felur íþrótta- og tómstundafulltrúa að kanna endurnýjun á lyklum í skápa í búningsklefum. Þeir lyklar sem nú eru í notkun gætu valdið skemmdum á nýrri rennibraut sem getur leitt til slysa á þeim sem að nýta brautina.

Gufubað sundlaugarinnar er afar illa farið og er þar aðgerða þörf. Nefndin leggur til að núverandi gufubaði verði breytt í fjölskylduklefa sem mikil þörf er á. Jafnframt verði útbúið eimbað í frístandandi byggingu á lóð sundlaugarinnar. Nefndin vísar málinu til framkvæmdarnefndar.

Framkvæmdanefnd felur framkvæmda- og þjónustufulltrúa að taka saman kostnaðarmat á tillögu æskulýðs- og menningarnefndar um að núverandi gufubaði verði breytt í fjölskylduklefa.

Skipulags- og framkvæmdaráð samþykkir að framkvæmdin sé sett inná framkvæmdaáætlun 2020.