Útgarður 4, verðmat á íbúðum

Viðvarandi taprekstur hefur verið hjá Leigufélaginu Hvammi á liðnum árum og miðað við fjárhagsáætlun félagsins fyrir árið 2015 verðu áfram tap á rekstri þess. Samkvæmt fyrirliggjandi ársreikningi fyrir árið 2014 kemur fram í efnahagsreikningi félagsins að eigið fé félagsins er neikvætt um 22% auk þess sem veltufjárhlutfall félagsins í árslok er einungis 0,03. Félagið reiðir sig því á stuðning frá eigendum sínum til að tryggja áframhaldandi rekstrarhæfi félagsins a.m.k. út yfirstandandi rekstrarár (2015).

Bæjarráð getur ekki fallist á að styðja félagið fjárhagslega á þessum tímapunkti og felur bæjarstjóra og fjármálastjóra að fara yfir fjárhagsstöðu félagsins og koma með tillögu að úrbótum og leggja fyrir bæjarráð að nýju.

Bæjarráð samþykkir fyrir sitt leyti að tryggja rekstur Leigufélags Hvamms ehf. út árið 2015, enda verði yfirdráttur félagsins að fullu nýttur til þess.