Framlenging ákvæðis um B-gatnagerðargjald

Fyrir bæjarráði liggur bréf frá Sambandi íslenskra sveitarfélaga um samþykkt frumvarps innanríkisráðherra um framlengingu B-gatnagerðargjalds

Samkvæmt könnun Sambands íslenskra sveitarfélaga sem framkvæmd var sl. haust eiga sjö ­sveitarfélög enn ólokið framkvæmdum sem heimilt er að fjármagna með B-gatnagerðargjaldi. Þau eru Akraneskaupstaður, Breiðdalshreppur, Djúpavogshreppur, Norðurþing, Seyðis­fjarðarkaupstaður, Strandabyggð og Vesturbyggð. Samtals eiga þessi sveitarfélög eftir að leggja bundið slitlag á um 20 götur en framkvæmdir eru hafnar í tveimur sveitarfélaganna. Þrjú sveitarfélög telja það vera raunhæft að ljúka framkvæmdum á árinu 2016 en fjögur telja það ekki raunhæft. Samkvæmt upplýsingum frá sambandinu má áætla að kostn­aður við þessar framkvæmdir geti í heild numið á bilinu 150?200 m.kr. Ráðuneytið væntir þess að ­sveitarfélög leggi fram áætlun um lok gatnagerðarframkvæmda samkvæmt þessu ákvæði og að Samband íslenskra sveitarfélaga hafi milli­göngu um að kynna ráðuneytinu þær áætlanir.