Framkvæmda- og hafnanefnd Norðurþings

Til umræðu í nefndinni var förgun dýrahræja og með hvaða hætti sveitarfélagið getur ýtt undir skil á þeim til móttökustöðvar í Víðimóum sunnan Húsavíkur. Lagt var til að Norðurþing taki aukinn þátt í kostnaði við förgun dýrahræja.

Gefin hafa verið út starfsleyfi fyrir urðunarstaðina Laugardal og Kópaskeri.

Erindi frá Matvælastofnun.

Rædd voru umferðaröryggismál í námunda við íþróttamannvirki sveitarfélagsins, í norðurbæ Húsavíkur.

Framkvæmda- og hafnanefnd ræddi möguleika á framkvæmdum við uppfyllingu í Suðurfjöru á Húsavík.

Hafnarstjóri fór yfir drög að breytingum á hafnarreglugerð fyrir hafnir Norðurþings.

Hafnastjóri leggur fram tillögu að Gjaldskrá fyrir hafnir Norðurþings fyrir árið 2016.

Til umræðu í nefndinni var sala fasteigna í eigu Norðurþings.

Í Túni er starfrækt frístundarheimili og félagsmiðstöð. Við frístundarheimilið starfa 5 starfsmenn og notendur eru um 30 talsins. Félagsmiðstöðin þjónar unglingum á aldrinum 13-17 ára og er að jafnaði opin tvisvar í viku. Viðhaldsþörf er komin á ýmsa þætti hússins og er brýnt að taka á þeim málum. Tómstunda og æskulýðsnefnd vísar erindinu til framkvæmda og hafnanefndar með ósk um úrbætur fyrir næsta skólaár. Með erindinu fylgir minnisblað sem unnið er af tómstunda og æskulýðsfulltrúa ásamt umsjónarmanni fasteigna.

Tryggvi Jóhannsson, verkefnisstjóri hjá Norðurþingi fór yfir samanburð á gatnagerðagjöldum valinna sveitafélaga.

Sveinn Hreinsson kynnti tillögu að sorpsamþykkt sveitarfélagsins.

Sveinn Hreinsson, umsjónarmaður fasteigna fór yfir stöðu sorpmála í sveitarfélaginu. Til umræðu var sorphirðudagatal fyrir árið 2016

Lögð var fram til kynningar úttektarskýrsla Mannvits um ástand Samkomuhússins á Húsavík.

Sveinn Hreinsson, umsjónarmaður fasteigna kynnti stöðuna á viðhaldsþörf og ástandi eigna á SR-lóðinni.

Fyrir nefndinni liggur framkvæmda- og viðhaldsáætlun fyrir árið 2016. Framkvæmda- og þjónustufulltrúi auk umsjónarmanni fasteigna fóru yfir áætlunina og kynntu fyrir nefndinni.

Þórunn Ágústa Kristjánsdóttir og Ragnhildur Helga Ingólfsdóttir óska eftir stöðuleyfi fyrir 15 m² söluskúr ofan á þaki Hafnarstéttar 19 en til vara á sölutorgssvæði sunnan við Helguskúr. Um er að ræða bjálkahús með risþaki. Staðsetning yrði á NA-horni þaks hússins eins og afstöðmynd sýnir. Fyrir liggur samþykki leigjanda hússins.

Fyrir framkvæmda- og hafnanefnd liggur eftirfarandi bókun skipulags- og byggingarnefndar:

"Meirihluti skipulags- og byggingarnefndar leggur til við framkvæmda og hafnarnefnd að heimild verði veitt fyrir stöðuleyfi fyrir húsinu til loka október 2016, enda staðsetning þess innan byggingarreits skv. deiliskipulagi svæðisins. Röðull og Sif telja að hafna eigi erindinu og vísa umsækjendum á torgsölusvæði á hafnarstétt."

Fyrir nefndinni liggur eftirfarandi bókun skipulags- og byggingarnefndar.

Skipulags- og byggingarnefnd leggur til við framkvæmda- og hafnanefnd að skipulagstillagan verði fullunnin til samræmis við framlagðar hugmyndir og umræður á fundinum. Fyrirliggjandi hugmyndir verði kynntar skv. ákvæðum 4. mgr. 40.gr. skipulagslaga nr. 123/2010.

Samkvæmt könnun Sambands íslenskra sveitarfélaga sem framkvæmd var sl. haust eiga sjö ­sveitarfélög enn ólokið framkvæmdum sem heimilt er að fjármagna með B-gatnagerðargjaldi. Þau eru Akraneskaupstaður, Breiðdalshreppur, Djúpavogshreppur, Norðurþing, Seyðis­fjarðarkaupstaður, Strandabyggð og Vesturbyggð. Samtals eiga þessi sveitarfélög eftir að leggja bundið slitlag á um 20 götur en framkvæmdir eru hafnar í tveimur sveitarfélaganna. Þrjú sveitarfélög telja það vera raunhæft að ljúka framkvæmdum á árinu 2016 en fjögur telja það ekki raunhæft. Samkvæmt upplýsingum frá sambandinu má áætla að kostn­aður við þessar framkvæmdir geti í heild numið á bilinu 150?200 m.kr. Ráðuneytið væntir þess að ­sveitarfélög leggi fram áætlun um lok gatnagerðarframkvæmda samkvæmt þessu ákvæði og að Samband íslenskra sveitarfélaga hafi milli­göngu um að kynna ráðuneytinu þær áætlanir.