Sala eigna

Fyrir framkvæmda- og hafnanefnd liggur til umfjöllunar sala eigna sveitarfélagsins á árinu 2015.

Erindinu frestað til næsta fundar.

Rætt um sölu á eignum í eigu sveitarfélagsins sem ekki er í notkun sveitarfélagsins.

Framkvæmda- og hafnarnefnd samþykkir að heimila Eignasjóði að undirbúa sölu eigna í eigu sjóðsins. Markmiðið er að lækka viðhalds- og rekstrarkostnað sjóðsins.

Nefndin felur umsjónamanni fasteigna og framkvæmda- og þjónustufulltrúa í samstarfi við bæjarráð að útbúa reglur um eignasölu og leggja fyrir nefndina að nýju.

Bæjarráð samþykkir tillögu nefndarinnar og felur fjármálastjóra að vinna að verkefninu með umsjónarmanni fasteigna og framkvæmda- og þjónustufulltrúa. Tillögur verða lagðar fyrir nefndirnar þegar þær liggja fyrir.

Nefndin mælist til þess að þær íbúðir sem fara úr leigu verði settar í söluferli. Nefndin felur framkvæmda- og þjónustufulltrúa að útbúa lista um aðrar eignir sem mögulegt er að selja.

Fyrir fundinum lágu þrjú tilboð í íbúð í eigu Norðurþings að Grundargarði 15, íbúð 202, á Húsavík. Framkvæmda- og hafnarnefnd samþykkti að taka hæsta tilboði í eignina.

Sveinn Hreinsson sat fundinn undir þessum lið.

Nefndin samþykkir erindið.

Sala eigna hefur ýmist farið í gegnum nefndina eða bæjarráð og mikilvægt að marka skýrari línur í þessum efnum, þ.e. þegar selja á íbúð hvort slíkt fari í gegnum framkvæmda- og hafnanefnd eða bæjarráð. Þetta á jafnframt við um stærri fasteignir s.s. iðnaðarhúsnæði.

Verkferlar við sölu eigna skulu vera eftirfarandi;
- nefndin ákveður hvað skal selja og á það við um allar fasteignir Eignasjóðs.
- nefndin felur umsjónarmanni fasteigna að undirbúa sölu eigna.
- tilboð í fasteignir verði afgreidd í bæjarráði.

Bæjarráð samþykkir að taka hæsta tilboði upp á 8,1 milljón

Formaður framkvæmda- og hafnanefndar leggur fram tillögu um að hefja aftur sölu á íbúðarhúsnæði í eigu Norðurþings.

Framkvæmda- og hafnanefnd samþykkir að setja eftirtaldar eignir í söluferli:

Mjölhúsið á fyrrum lóð SR á Raufarhöfn.

Meirihluti framkvæmdanefndar samþykkir að fela framkvæmda- og þjónustufulltrúa að auglýsa íbúðina Grundagarð 5 til sölu. Ítrekað er að íbúðin verði ekki auglýst með viðmiðunarverði.

Kjartan og Hjálmar greiða atkvæði gegn tillögunni og bóka eftirfarandi:

Brýnt er að stofna húsnæðisnefnd Norðurþings sem allra fyrst og marka skýra stefnu og framtíðarsýn uppbyggingu í húsnæðismálum.

Framkvæmdanefnd samþykkir að auglýsa eftir tilboðum í eignina.

Framkvæmdanefnd óskar eftir sameiginlegum fundi með Byggðarráði um húsnæðismál í sveitarfélaginu varðandi stefnu og næstu skref.
Brýnt er að ræða viðhalds- og uppbyggingaráform er varðar stofnanir og fyrirtæki sveitarfélagsins sem og almennar íbúðir á markaði.

Byggðarráð samþykkir að boða til sameiginlegs fundar næstkomandi miðvikudag kl. 16:00

Framkvæmdanefnd felur framkvæmda- og þjónustufulltrúa að setja Vallholtsveg 10 með tilheyrandi lóð í söluferli og óskar eftir að upplýsingar um uppbyggingaráform liggi fyrir í sölutilboði.

Framkvæmdanefnd felur framkvæmda og þjónustufulltrúa að kanna möguleika á sölu eigna til sérstakra húsnæðisfélaga.

Meirihluti framkvæmdanefndar samþykkir að selja íbúð no. 303 að Grundargarði 9.

Framkvæmdanefnd samþykkir að selja eftirfarandi íbúðir:
Íbúð að Grundargarði 5 (302), íbúð að Grundargarði 9 (303) og íbúð að Garðarsbraut 69 (101).

Hjalmar Bogi Hafliðason og Kjartan Páll Þórarinsson eru mótfallnir sölu eignanna.

Alls bárust tvö tilboð í fasteign sveitarfélagsins að Grundargarði 9 - íbúð 303. Byggðarráð ákveður að taka hærra tilboðinu að upphæð kr. 16.500.000,-
Jónas Einarsson vék af fundi undir afgreiðslu þessarar sölu.

Alls bárust þrjú tilboð í fasteign sveitarfélagsins að Garðarsbraut 69, íbúð 101. Byggðarráð ákveður að taka hæsta tilboðinu að upphæð kr. 10.500.000,-

Byggðaráð felur sveitarstjóra að taka saman minnisblað um möguleika í stöðunni.