Ungmennaráð Norðurþings 2016

Æskulýðs- og menningarnefnd fagnar því að tilnefningar í Ungmennaráð séu komnar í hús.

Fulltrúarnir eru eftirfarandi:
Aðalmenn

Kristín Káradóttir
FSH
Fanný Traustadóttir
FSH
Bjartey Unnur Stefánsdóttir
Öxarfjarðarskóli
Áslaug Munda Gunnlaugsdóttir
Borgarhólsskóli
Birkir Rafn Júlíusson
Fulltrúi af vinnumarkaði

Æskulýðs- og menningarnefnd mun boða Ungmennaráð til fundar við fyrsta tækifæri.

Tilnefningum í Ungmennaráð er vísað til Sveitarstjórnar til staðfestingar.

Til máls tóku: Óli og Erna.

Sveitarstjórn staðfestir tilnefningar í Ungmennaráð Norðurþings.

Nefndarmenn hittust og kynntu sig og fóru yfir starfsemi ungmennaráðs.
Ráðið hyggst funda aftur á næstu vikum. Á þeim fundi verður kosið í embætti og farið yfir erindisbréf ungmennaráðs.

Erindisbréf ungmennaráðs er tekið til umfjöllunar. Ráðið leggur til eftirfarandi erindisbréf og vísar til samþykktar í sveitarstjórn:

Erindisbréf ungmennaráðs Sveitarfélagsins Norðurþing. (með vísan til 2.mgr.11.gr. æskulýðslaga nr.70/2007).

1. Skipan.
Ungmennaráð er skipað 5 fulltrúum.
Sveitastjórn Norðurþings skipar í ungmennaráð í maí ár hvert að fengnum tilnefningum frá æskulýðs- og menningarnefnd.
Nemendafélög Grunnskólans á Raufarhöfn og Öxarfjarðarskóla tilnefna 1 fulltrúa og 1 til vara.
Nemendafélag Borgarhólsskóla á Húsavík tilnefna 1 fulltrúa í ráðið og 1 til vara.
Nemendafélag Framhaldsskólans á Húsavík tilnefnir 2 fulltrúa og 1 til vara.
Tilnefndur skal 1 fulltrúi ungmenna á vinnumarkaði og 1 til vara.
Varamenn eru boðaðir á alla fundi og mega sitja þá líkt og aðalmenn. Varamenn hafa málfrelsi og tillögurétt en ekki atkvæðisrétt að því undanskyldu að hann sitji í fjarveru aðalmanns.
Kjörgengir eru þeir sem eiga lögheimili í sveitarfélaginu og eru á aldrinum 14 til 25 ára.
Skipunartími ráðsins er eitt ár í senn.
Íþrótta- og tómstundafulltrúi er tengiliður sveitarfélagsins við ungmennaráð. Hann starfar með ráðinu og er því til aðstoðar ásamt forstöðumanni félagsmiðstöðvarinnar Túns.

2. Starfsfyrirkomulag.
Um fundi og fundarsköp ungmennaráðs gilda samþykktir sveitarfélagsins Norðurþings um stjórn sveitarfélagsins og fundarsköp.
Að afstöðnum tilnefningum í ungmennaráð boðar sveitarstjóri til fyrsta fundar ráðsins.
Ungmennaráð kýs sér formann, varaformann og ritara á fyrsta fundi sínum.
Laun aðalmanna fyrir ungmennaráðsfund eru 10.000 krónur fyrir hvern fund nefndarinnar.
Formaður boðar fund í samráði við Íþrótta- og tómstundafulltrúa.
Fundargerðir skulu lagðar fram í æskulýðs- og menningarnefnd til samþykktar. Æskulýðs- og menningarnefnd vísar málum ungmennaráðs áfram til viðeigandi nefnda.
Stefnt skal að því að funda eigi sjaldnar en 4 sinnum á starfstímanum.
Ungmennaráð fundar með sveitarstjórn Norðurþings einu sinni á hverju starfsári, að jafnaði í janúarmánuði. Fundur með sveitarstjórn skal undirbúinn í samráði við sveitarstjóra.
Sveitarfélagið leggur til fundaraðstöðu.

3. Hlutverk.
Ungmennaráðinu er ætlað að vera umræðu- og samstarfsvettvangur ungmenna í Norðurþingi.
Koma til skila tillögum og skoðunum ungmenna til viðeigandi aðila í stjórnkerfi sveitarfélagsins.
Að vera sveitarfélaginu til ráðgjafar um málefni ungs fólks í sveitarfélaginu.
Að gera ákvarðanatöku í málefnum ungmenna sýnilegri og gegnsærri.
Auka tengsl fulltrúa ungmenna og yfirvalda sveitarfélagsins.
Að gæta hagsmuna ungs fólks.
Að þjálfa ungmenni sveitarfélagsins í lýðræðislegum vinnubrögðum.



Ungmennaráð frestar kosningum í embætti ráðsins fram til næsta fundar.

Framkvæmdanefnd samþykkir að fela ungmennaráði að koma með tillögu sem fellur að markmiði framkvæmdaáætlunar 2017 og leggja fyrir framkvæmdanefnd.
Miðað er við framkvæmdir að upphæð allt að 2 milljónir.

Sveitarstjórn samþykkir samhljóða tillögu æskulýðs- og menningarnefndar.

Ungmennaráð Norðurþings kaus í eftirfarandi í embætti ráðsins:
Formaður : Fanný Traustadóttir
Varaformaður : Áslaug Munda Gunnlaugsdóttir
Ritari: Bjartey Unnur Stefánsdóttir