Vegur að Núpskötlu

Málsnúmer 201612022

Framkvæmdanefnd - 11. fundur - 08.12.2016

Fyrir framkvæmdanefnd liggur að taka afstöðu til þess hvort sveitarfélagið skuli hlutast til um viðhald vega/heimreiða að sveitabæjum í sveitum Norðurþings þar sem um er að ræða aðgengi almennings að náttúruperlum í sveitarfélaginu. Vegagerðin hættir að sinna viðhaldi á heimreiðum að bæjum þar sem ekki er lengur búseta á ársgrundvelli.

Framkvæmdanefnd lýsir áhyggjum sínum yfir aðgengi ferðamanna að náttúrperlum í Norðurþingi í þeim tilfellum sem Vegagerðin hættir viðhaldi vega vegna takmarkaðrar búsetu.
Sveitarfélagið mun eiga samtal við Vegagerðina vegna málsins.

Framkvæmda- og þjónustufulltrúa er falið að leggja til við Vegagerðina í samráði við landeigendur og Norðurhjara að heimreið að Núpskötlu verði gerður að lands-/tengivegi.
Þetta er gert til þess að tryggja þjónustu og viðhald vegarins.