Gerð húsnæðisáætlana

Umræða um gerð húsnæðisáætlunar á vegum Norðurþings. Mánudaginn 16. október fer fram Húsnæðisþing 2017 á vegum Íbúðalánasjóðs, en nú vinna fjölmörg sveitarfélög að sínum húsnæðisáætlunum sem að einhverju leiti verða til umræðu á þinginu. Norðurþing vinnur að gerð sinnar áætlunar, á grunni þeirrar vinnu sem ráðist var í með ALTA ráðgjafarstofu á síðasta ári. Markmiðið er að húsnæðisáætlun Norðurþings verði lögð fram til samþykktar á nóvemberfundi sveitarstjórnar.

https://www.ils.is/husnaedisthing/

Sveitarstjóri fór yfir stöðu mála við gerð húsnæðisáætlunar Norðurþings en stefnt er að því að hún verði lögð fram til samþykktar fyrir lok ársins. Áætlunin verður til umræðu á fundum félagsmálanefndar, framkvæmdanefndar, skipulags- og umhverfisnefndar auk byggðarráðs í nóvember.

Húsnæðisáætlun Norðurþings er í vinnslu og kemur Ketill Árnason til fundarins til að gera grein fyrir stöðu málsins og eiga samtal um hvernig lúkningu verði háttað.