Norðurþing - upplýsingamál

Fyrir fundinum liggur tillaga að eflingu upplýsinga- og ímyndarmála Norðurþings til næstu mánaða sem unnin yrði með aðkomu Aton - tengslafyrirtækis.

Fyrir byggðarráði liggur fyrir tillaga að upphafi vinnu er snýr að ímyndar- og upplýsingamálum sveitarfélagsins. Lagt er til að forsvarsmönnum fyrirtækja, stofnana og félaga í Norðurþingi verði boðið til umræðufundar með ráðgjöfum sveitarfélagsins, þann 4. maí nk., á Fosshótel Húsavík.


Markmiðið með fundinum er að velta fyrir sér ímynd Norðurþings. Hugmyndin er að Aton verði með framsögu um verkefnið þar sem farið er yfir tækifæri í kynningarmálum. Þá verður einnig útskýrt betur af hverju spurningarnar sem við sendum út voru valdar til að ræða. Í framhaldinu verði skipt í hópa og unnið úr þessum spurningum í sameiningu. Eftir þennan fund mun Aton vinna úr þessum hugmyndum til að móta kynningarstefnu fyrir sveitarfélagið. Með beinu samtali við fólk sem er í forsvari fyrir fyrirtæki, stofnanir og félög á svæðinu er hægt að búa til grunn sem nýtist í upplýsingagjöf.



Spurningar til umhugsunar fyrir fundinn:

1. Hvað er Norðurþing?

2. Hvejir eru styrkleikar svæðisins?

3. Hverjir eru veikleikar svæðisins?

4. Af hverju ætti fólk að flytja til Norðurþings?

5. Hvernig sköpum við meiri samkennd á svæðinu?