Húsnæðismál í Norðurþingi

Róbert Ragnarsson, ráðgjafi fer yfir vinnu við greiningu á húsnæðismálum sveitarfélagsins. Til kynningar fyrir byggðarráði verður gerð húsnæðisáætlunar, möguleikar til sölu íbúðahúsnæðis, möguleikar til uppbyggingar nýrra íbúða (leiguheimila) í samstarfi við aðra aðila. Róbert, ásamt sveitarstjóra kynna stöðu vinnunnar við greininguna á valkostum sveitarfélagsins til skemmri og lengri tíma.

Vísað er til umræðu á fundi byggðaráðs Norðurþings þann 31. mars 2017 þar sem kynntar voru hugmyndir um endurskipulagningu íbúða Norðurþings.

Á 212. fundi byggðarráðs var eftirfarandi bókað:

"Byggðarráð leggur til við sveitarstjórn að sveitarfélagið marki húsnæðisstefnu og markmið til lengri tíma. Stefnan og markmiðin taki mið af aðalskipulagi Norðurþings og greiningu í skýrslunni "Tillögur að forgangsröðun og áherslum við uppbyggingu íbúðarhúsnæðis á Húsavík", sem birt var í júní 2016."

Á fund byggðarráðs kemur Benedikt Sigurðarson, frá Búfesti hsf Norðurlandi til að ræða stöðuna á húsnæðismálum í sveitarfélaginu og möguleikum Búfesti hsf. til aðkomu að uppbyggingu húsnæðis á svæðinu.

Til umræðu í byggðarráði er fyrirhugaður fundur með Búfesti hsf og Fakta Bygg AS n.k. mánudag þar sem staðan verður tekin á framgangi tilraunaverkefnis Íbúðalánasjóðs.