Sýslumaðurinn óskar eftir umsögn um rekstrarleyfi, Klifshaga 1.

Óskað er eftir umsögn um rekstrarleyfi til sölu gistingar að Klifshaga 1 í Öxarfirði. Skipulags- og byggingarfulltrúi kynnti bréf sem hann hefur sent á nágranna að Klifshaga 2 til grenndarkynningar. Þar er óskað eftir að nágrannar komi sjónarmiðum og athugasemdum á framfæri fyrir 26. júlí n.k. áður en skipulags- og umhverfisnefnd Norðurþings tekur afstöðu til erindis sýslumanns.

Óskað er umsagnar um rekstrarleyfi til sölu gistingar í Klifshaga 1. Erindið var grenndarkynnt af skipulags- og byggingarfulltrúa. Umsögn nágranna í Klifshaga 2 liggur nú fyrir og leggjast nágrannar gegn nýtingu hússins til ferðaþjónustu enda muni breytt notkun valda ónæði við búskap að Klifshaga 2.