Urðunarstaðir í Laugardal og á Kópaskeri.

Sveitarfélagið Norðurþing setur sér það markmið að starfa eftir bestu mögulegu starfsháttum þegar kemur að meðhöndlun úrgangs. Norðurþing hefur það markmið að draga úr urðun sorps og uppfylla kröfur og væntingar notenda urðunarstaða í rekstri Norðurþings, starfsmanna og annarra hagsmunaaðila og starfa ávallt í samræmi við lög og reglugerðir. Það gerir félagið með því að hafa virkt innra eftirlit á verkferlum, halda starfsmönnum upplýstum og tryggja stöðugar endurbætur.
Til að tryggja stöðugar framfarir í gæða-og umhverfismálum setur sveitarfélagið sér mælanleg markmið. Allir starfsmenn og verktakar skulu vera meðvitaðir um umhverfisáhrif fyrirtækisins og hafa kunnáttu og færni til að draga skipulega úr áhrifum þýðingarmestu umhverfisþáttanna, sem eru:
- Eldsneytisnotkun og losun gróðurhúsalofttegunda.
- Efnanotkun, spilliefnaútgangur og losun efna í vatn og jarðaveg.
- Almennur úrgangur, meðhöndlun og flokkun
Allir starfsmenn skulu verða meðvitaðir um gæðamarkmið sveitarfélagsins sem eru að:
- Efla umhverfisvitund notenda þjónustu varðandi flokkun, endurnýtingu og endurvinnslu.
- Efla þjálfun og fræðslu starfsmanna og verktaka á sviði gæða- og umhverfismála.
Stefnuna kynnum við öllu starfsfólki okkar, verktökum, viðskiptavinum og birgjum, framfylgjum henni á skipulegan hátt og endurskoðum reglulega.
Framkvæmdanefnd samþykkir umhverfismarkmiðin og þær áætlanir um úrbætur sem lagðar eru fram.