Efnavöktun í vinnsluholum OH

Fyrir liggur kostnaðaráætlun vegna efnagreininga úr vinnsluholum Orkuveitu Húsavíkur ohf á Hveravöllum.
Orkuveitum er ekki gert skylt að skila slíkum greiningum til Orkustofnunar með reglulegum hætti, en slík gögn geta þó verið gagnleg veitunum sjálfum í tengslum við sína starfsemi.
Lagt er til að gerð verði áætlun innan OH um efnagreiningar, annars vegar á Hveravöllum og hins vegar í orkustöð á Húsavík. Skv. þeirri áætlun verða gerðar ýtarlegar rannsóknir á efnainnihaldi allra þriggja nýtingarhola OH á Hveravöllum á næst ári (2019) ásamt blandsýni sem tekið verður í orkustöð, en í framhaldi af því verði aðeins tekið árlegt sýni í orkustöð þar til breytingar á efnainnihaldi þar kalli á ýtarlegri rannsóknir á Hveravöllum.

Ráðist verður í efnarannsóknir í vinnsluholum Orkuveitu Húsavíkur ohf. á Hveravöllum nú á haustmánuðum.
Ekki er um að ræða lögboðnar rannsóknir að kröfu Orkustofnunar, heldur eru þær liður í eftirliti OH með auðlindum félagsins og söfnun gagna til þess að hægt sé að fylgjast með þróun þeirra, m.a. í tengslum við væntanlega raforkuframleiðslu í orkustöð OH að Hrísmóum.