Rafveita á Húsavík 100 ára

Undirritaður leggur fram eftirfarandi tillögu fyrir stjórn Orkuveitu Húsavíkur;

Fyrir 100 árum síðan var merkum áfanga náð í sögu Húsavíkur þegar sett var upp rafveita í Búðará. Í ritinu Sveitarstjórnarmál 10. árgangi, tölublaði númer tvö kemur meðal annar fram;

„Húsavík kom sér upp rafveitu 1918. Var hún skráð 75 hestöfl, en skilaði miklu meiri krafti og reynist mjög vel. Vatnsafl var fengið í lítilli á, svonefndri Búðará, sem fellur til sjávar nálægt miðri byggðinni“

Í ljósi framangreindra tímamóta er lagt til að Orkuveita Húsavíkur ohf. setji upp minnivarða um fyrstu rafveitu Húsavíkur. Ákaflega mikilvægt er að viðhalda sögu staðarins og síðast en ekki síst að fagna þeirri frumkvöðlastarfsemi sem m.a. hefur skapað velmegun okkar tíma.

Lagt er til að Skipulags- og framkvæmdanefnd tilnefni staðsetningu fyrir minnismerkið.
Að auki er lagt til að Orkuveita Húsavíkur leggi eina milljón króna til fegrunnar skrúðgarðsins við Búðará sumarið 2019.

Bergur Elías Ágústsson

Stjórn Orkuveitu Húsavíkur samþykkir tillöguna og felur framkvæmdastjóra að fylgja málinu eftir inn í skipulags- og framkvæmdaráð.

Skipulags- og framkvæmdaráð fagnar hugmyndinni og leggur til að minnismerkið verði staðsett á steyptum undirstöðum þar sem áður voru lýsistankar við Stangarbakkafjöru.

Stjórn Orkuveitu Húsavíkur samþykkir að óskað verði eftir tillögum um hönnun minnisvarða sem settur verði upp í tilefni af 100 ára afmæli Rafveitu Húsavíkur.
Minnismerkið verður staðsett á útivistarsvæði í suðurfjöru neðan Stangarbakka.
Framkvæmdastjóra falið að útfæra verkefnið.

Framlögð kostnaðaráætlun er samþykkt og framkvæmdastjóra falin framkvæmd verksins.