Orkuígildismælar

Kallað hefur verið eftir tilboði frá Frumherja sem nú liggur fyrir, vegna leigu á orkuígildismælum í stað þeirra hefðbundnu rennslismæla sem verið hafa í notkun hjá félaginu. Sífellt erfiðara verður að nálgast rennslismæla til endurnýjunar á eldri mælum, enda er þróunin á þessum markaði í átt að orkuígildismælum. Með því að skipta út mælum í dreifbýli á veitusvæði OH mætti einfalda verðskrá félagsins sem nú tekur mið af hitastigi þess vatns sem afhent er til notenda.

Í byrjun árs 2019 var ákveðið að skoða möguleika Orkuveitu Húsavíkur ohf. á því að taka upp notkun orkuígildismæla í dreifbýli. Markmiðið er tvíþætt, annars vegar til þess að mæta framtíðarkröfum á þessu sviði og hins vegar til einföldunar verðskrár hitaveitu í þéttbýli.
Fyrir liggur tilboð frá Frumherja í leigu orkuígildismæla í stað hefðbundinna rennslismæla, sem taka þarf afstöðu til og ákveða næstu skref í málinu.

Þegar hefur verið tekin ákvörðun í stjórn OH að endurnýja mælasöfn í dreifbýli og taka upp samhliða þeirri endurnýjun, notkun rafrænna orkuígildismæla í stað hefðbundinna rennslismæla. Fyrir liggur að endurnýja þurfi mælasöfn OH í þéttbýli Húsavíkur þar sem löggildingartími þeirra safna er að renna út. Taka þarf ákvörðun um hvort settir verði upp rafrænir mælar við endurnýjun mælasafna í þéttbýli eða hvort hefðbundnir rennslismælar verði fyrir valinu í þeim útskiptum.