Bókun vegna reksturs Leigufélags Hvamms rekstrarárið 2019

Fyrir byggðarráði liggur ósk stjórnar Leigufélagsins Hvamms um yfirlýsingu sveitarstjórnar Norðurþings varðandi áframhaldandi stuðning við rekstur félagsins á árinu 2019.

Eftirfarandi var bókað á 289. fundi byggðarráðs Norðurþings;
Fyrir byggðarráði liggur ósk stjórnar Leigufélagsins Hvamms um yfirlýsingu sveitarstjórnar Norðurþings varðandi áframhaldandi stuðning við rekstur félagsins á árinu 2019.

Viðvarandi taprekstur hefur verið hjá Leigufélaginu Hvammi á liðnum árum og miðað við fjárhagsáætlun félagsins fyrir árið 2019 verður áfram tap á rekstri þess. Samkvæmt fyrirliggjandi ársreikningi fyrir árið 2018 kemur fram í efnahagsreikningi félagins að eigið fé félagsins er neikvætt um 55,4 mkr., sem að mestu er tilkomið vegna virðisrýrnunar á fasteignum félagsins á árinu 2014. Eiginfjárhlutfall félagsins er neikvætt um 27,5% auk þess sem veltufjárhlutfall félagsins í árslok er einungis 0,83. Félagið reiðir sig því á stuðning frá eigendum sínum til að tryggja áframhaldandi rekstrarhæfi félagsins a.m.k. út yfirstandandi rekstrarár, 2019.

Byggðarráð leggur til að sveitarstjórn samþykki að styðja við Leigufélag Hvamms á yfirstandandi rekstrarári.