Rekstur mötuneyta leik- og grunnskóla á Húsavík

Fjölskylduráð fjallaði um rekstur mötuneyta í leik- og grunnskóla á Húsavík. Ráðið felur fræðslufulltrúa að kanna leiðir til þess að hagræða í viðkomandi rekstri.

Fjölskylduráð hélt áfram að fjalla um rekstur mötuneyta í leik- og grunnskóla á Húsavík. Ráðið fól á 53.fundi ráðsins fræðslufulltrúa að kanna leiðir til þess að hagræða í viðkomandi rekstri.

Fræðslustjóri gerði grein fyrir stöðu málsins og honum falið að leita ráðgjafar.

Fræðslufulltrúi kynnti fyrir ráðinu minnisblað frá Matartímanum ehf. varðandi rekstur skólamötuneyta á Húsavík. Ráðið felur fræðslufulltrúa að vinna málið áfram í samráði við Matartímann og skólastjórnendur.

Fjölskylduráð samþykkir að sameina skólamötuneyti Grænuvalla og Borgarhólsskóla á grundvelli ráðgjafar Matartímans. Á Húsavík verði rekið eitt mötuneyti fyrir báða skóla þar sem öll eldamennska fer fram í skólaeldhúsi Borgarhólsskóla. Fræðslufulltrúa og skólastjórnendum Grænuvalla og Borgarhólsskóla er falin nánari útfærsla.