Fjölskylduráð

Fjölskylduráð þakkar Lilju B. Rögnvaldsdóttir fyrir kynninguna á þarfagreiningu vegna forvarnarstefnu sem unnin var af Þekkinganeti Þingeyinga.

Ráðið heldur áfram vinnu sinni við Forvarnarstefnu Norðurþings.

Fjölskylduráð þakkar Aflinu fyrir styrktarbeiðnina og vísar henni til byggðarráðs þar sem fjárhagsáætlun fjölskyldusviðs gerir ekki ráð fyrir styrkveitingum af þessu tagi.

Félagsmálastjóri kynnti viðkomandi reglur fyrir fjölskylduráði. Ráðið samþykkir þessar reglur og vísar þeim til samþykktar í Sveitarstjórn Norðurþings.

Félagsmálastjóri lagði fram til kynningar starfsáætlun barnaverndar og framkvæmdaáætlun í barnavernd. Ráðið stefnir á að aðgerðaráætlun í barnavernd liggi fyrir í lok mars 2020.

Fjölskylduráð samþykkir eftirfarandi reglur um sálfræðiþjónustu í Norðurþingi og vísar þeim til staðfestingar í sveitarstjórn.

Félagsmálastjóri kynnti samning um félagsþjónustu eins og hann liggur fyrir.
Ráðið samþykkir fyrir sitt leyti viðkomandi samning og vísar honum til samþykktar í sveitarstjórn með fyrirvara um að endanlega útgáfa samningsins liggi fyrir sveitarstjórn.

Fjölskylduráð samþykkti eftirfarandi gjaldskrá fyrir skíðasvæðið við Reyðarárhnjúk. Gildir einnig fyrir skíðagöngusvæðið.

Stakur dagur:

Fullorðnir: 1000 kr.
Börn undir grunnskólaaldri: frítt
Börn 6 ára - 17 ára: 500 kr.
Eldri borgarar: 500 kr.
Öryrkjar: 500 kr.

Árskort fyrir árið 2020:

Fullorðnir: 10.000 kr.
Börn 6 - 17 ára: 5.000 kr.
Eldri borgarar: 5.000 kr.
Öryrkjar: 5.000 kr.

Stakan dag verður hægt að greiða í lyftuskúr við Reyðarárhnjúk.
Árskort eru seld í afgreiðslu Sundlaugar Húsavíkur.

Ráðið vísar gjaldskránni til staðfestingar í sveitarstjórn.

Gjaldskrá tekur gildi 1.febrúar með fyrirvara um samþykki í sveitarstjórn.

Fjölskylduráð samþykkir fyrirliggjandi samning á milli Norðurþings og Völsungs. Ráðið vísar samningnum til umfjöllunar í byggðarráði og í skipulags- og framkvæmdaráði.

Fjölskylduráð samþykkir að námskeiðið ,,Gullkistan" verði styrkhæft fyrir frístundastyrk Norðurþings þó það nái ekki viðmiðum um lágmarkslengd sem eru 8 vikur. Ráðið telur mikla þörf á námskeiði af þessu tagi og samþykkir undanþágu frá reglum um frístundastyrk að þessu sinni.

Fjölskylduráð, ásamt fræðslustjóra, telur þörf á því að endurskoða skólastefnu Norðurþings frá árinu 2012. Ráðið felur fræðslustjóra að afla upplýsinga um leiðir til framkvæmdar á vinnu við endurskoðun stefnunar.

Fræðslustjóri upplýsti fjölskylduráð um stöðu mála um skólastarf austan Húsavíkur.

Fjölskylduráð fjallaði um rekstur mötuneyta í leik- og grunnskóla á Húsavík. Ráðið felur fræðslufulltrúa að kanna leiðir til þess að hagræða í viðkomandi rekstri.

Fjölskylduráð fjallaði um erindi frá skólastjóra Borgarhólsskóla um að sundkennsla hefjist kl. 08:30 frá og með næsta skólaári. Ráðið samþykkir erindi skólastjóra.