Skólastarf austan Húsavíkur

Fræðslustjóri upplýsti fjölskylduráð um stöðu mála um skólastarf austan Húsavíkur.

Fjölskylduráð hélt áfram umfjöllun sinni um skólastarf austan Húsavíkur.

Fjölskylduráð fjallaði um skólastarf austan Húsavíkur.

Ráðið samþykkir að boða til fundar með foreldrum barna í Grunnskóla Raufarhafnar og Öxarfjarðarskóla um aukið samstarf á milli skólanna tveggja.
Ráðið felur fræðslustjóra og formanni fjölskylduráðs að ákveða fundartíma og boða til fundar.

Fjölskylduráð fór yfir fundargerð foreldrafundanna. Fundirnir voru gagnlegir og upplýsandi fyrir báða aðila. Ráðið þakkar foreldrum fyrir góða mætingu á fundina og góðar samræður.

Skólastarf austan Húsavíkur hefur verið til umræðu í fjölskylduráði á undanförnum fundum. Ekki hvað síst hefur verið horft til þess hvernig koma megi enn betur til móts við þarfir barna á Raufarhöfn og nágrenni í ljósi þeirrar fækkunar nemenda sem þar hefur orðið. Fjölskylduráð leggur áfram ríka áherslu á mikilvægi samstarfs Öxarfjarðarskóla og Grunnskóla Raufarhafnar með það að markmiði að öll börn njóti sem mestrar fjölbreytni í skólastarfi og félagsskapar við önnur börn á svæðinu. Unnið skal áfram að eflingu samstarfsins en að öðru leyti verði skólastarf austan Húsavíkur með svipuðu sniði og verið hefur á yfirstandandi skólaári. Fjölskylduráð óskar þess að næsta skólaár verði nýtt til undirbúnings þess að stjórn skólanna beggja verði á hendi eins skólastjóra frá og með skólaárinu 2021-2022. Vinna við útfærslu verði þróuð með áframhaldandi samstarfi fjölskylduráðs, fræðslufulltrúa og skólastjórnenda beggja skólanna.