Fjölskylduráð

Fjölskylduráð leggur til að umrædd eign fari í söluferli og vísar ákvörðuninni til Skipulags- og framkvæmdaráðs Norðurþings.

Fjölskylduráð fjallaði um áskorun frá íbúum Raufarhafnar vegna vetrarlokunar sundlaugarinnar á Raufarhöfn.

Sundlaugin verður lokuð febrúar, mars og apríl í samræmi við fjárhagsáætlun 2020 og vegna viðhaldsvinnu sem stendur yfir og áætlað er að ljúki í lok apríl.
Ráðið samþykkir að sundlaugin verði opin yfir páskana í 3 daga, þ.e. Skírdag, laugardag fyrir páskadag og annan í páskum. Opið verður þessa daga frá kl. 14:00 - 17:00.

Ráðið samþykkir að sumaropnun verði í byrjun maí í stað byrjun júní eins og áður hafði verið ákveðið.
Sundlaugin verður opin yfir sumarið, virka daga frá kl. 16:30-19:30 og um helgar frá kl. 14:00-17:00.
Ráðið óskar eftir umsögn Hverfisráðs Raufarhafnar um sumaropnun sundlaugarinnar.

Fjölskylduráð fagnar frumkvæði UMF Austra vegna kaupa á tækjum í íþróttamiðstöðina á Raufarhöfn.
Ekki er gert ráð fyrir fjármagni í tækjakaup í fjárhagsáætlun fjölskyldusviðs fyrir árið 2020 og hafnar fjölskylduráð því erindinu.

Ráðið vísar málinu til skipulags-og framkvæmdaráðs um hvort eignarsjóður sjái sér fært um að leggja til málsins 550.000 kr. en árið 2017 kom sveitarfélagið til móts við aðila á Kópaskeri sem lögðu fram fjármagn til tækjakaupa í íþróttahúsið á Kópaskeri.

Ráðið vísar í lið 2 þessarar fundargerðar hvað varðar áskorun UMF Austra um vetraropnun í sundlaug Raufarhafnar.

Fjölskylduráðið felur íþrótta- og tómstundafulltrúa að finna þátttakendur á ráðstefnuna Ungt fólk og lýðræði fyrir hönd Norðurþings.

Lagt fram til kynningar.

Fjölskylduráð tekur undir með Hverfisráði Öxarfjarðar um að lóðin við leikskólann í Lundi þarfnist úrbóta og að fjölga þyrfti leiktækjum fyrir breiðan aldurshóp á þá lóð. Ráðið vísar því til skipulags- og framkvæmdaráðs að taka tillit til þess við gerð fjárhagsáætlunar fyrir árið 2021.


Ráðið telur ekki gerlegt að ráðast í framkvæmd á sparkvelli að svo stöddu þar sem slík framkvæmd er ekki á framkvæmdaáætlun ársins 2020.

Fræðslufulltrúi kynnti þær upplýsingar sem hann hafði aflað vegna málsins.

Ráðið leggur til að eingöngu þeir aðilar eða félagasamtök sem hafa samning við Norðurþing í tengslum við frístundarkort fái að nýta tölvupóstlista skólanna.

Fræðslufulltrúa er falið að leita eftir áliti á tillögunni hjá persónuverndarfulltrúa Norðurþings.

Fjölskylduráð kynnti sér þau gögn sem fræðslufulltrúi lagði fram og samþykkir að settar verði reglur um mötuneytiseldhúss í Borgarhólsskóla og að ákvörðun um þær verði teknar samhliða ákvörðun í máli 202001072 - rekstur mötuneyta leik- og grunnskóla á Húsavík.

Fjölskylduráð fjallaði um skólastarf austan Húsavíkur.

Ráðið samþykkir að boða til fundar með foreldrum barna í Grunnskóla Raufarhafnar og Öxarfjarðarskóla um aukið samstarf á milli skólanna tveggja.
Ráðið felur fræðslustjóra og formanni fjölskylduráðs að ákveða fundartíma og boða til fundar.

Fjölskylduráð samþykkir að samstarfssamningur á milli Skjálfanda listahátíðar og Norðurþings verði endurnýjaður til þriggja ára.

Ráðið felur fjölmenningarfulltrúa að ganga frá samningi og leggja fyrir ráðið.

Ráðið þakkar aðstandendum listahátíðarinnar fyrir sitt framlag til menningarlífs í Norðurþingi og hvetur alla íbúa til þess að mæta á hátíðina sem verður haldin 4.september á þessu ári.

Fjölmenningarfulltrúi kynnti fyrir ráðinu þá aðstöðu sem er í boði vegna undirbúnings fyrir hverfislitanefndir Mærudaga.

Fjölskylduráð samþykkir að leigja af eignarsjóði bílskúr við Tún tvo mánuði fyrir Mærudaga 2020. Hverfislitanefndir hafa samráð sín á milli um nýtingu aðstöðunar.

Ráðið hvetur íbúa Húsavíkur til þess að taka þátt í starfi hverfislitanefnda.

Fjölmenningarfulltrúi kynnti sýningu á myndinni In Touch sem verður sýnd á Húsavík, Raufarhöfn og Kópaskeri í vor.

Ráðið hvetur íbúa til þess að sjá þessa áhugaverðu íslensku/pólsku heimildarmynd.