Málefni sundlauga og íþróttahúss á Raufarhöfn

Fjölskylduráð hefur til umfjöllunar áskorun frá Hverfisráði Raufarhafnar um að endurskoða vetrarlokun sundlaugarinnar á Raufarhöfn í samráði við íbúa og Hverfisráð. Óskað er eftir að opnunartími yfir veturinn sé á miðvikudögum og föstudögum frá kl. 17:00-19:30 og á laugardögum eða sunnudögum frá 14:00-17:00/18:00 bæði í Sundlaug og gufu.

Til umfjöllunar eru málefni íþróttamiðstöðvarinnar á Raufarhöfn.

Fjölskylduráð hefur til umfjöllunar sumaropnun í íþróttamiðstöðinni á Raufarhöfn.

Fjölskylduráð samþykkti á 56.fundi sínum að : sumaropnun verði í byrjun maí í stað byrjun júní eins og áður hafði verið ákveðið.
Sundlaugin verður opin yfir sumarið, virka daga frá kl. 16:30-19:30 og um helgar frá kl. 14:00-17:00.
Ráðið óskar eftir umsögn Hverfisráðs Raufarhafnar um sumaropnun sundlaugarinnar.

Hverfisráð Raufarhafnar tók málið fyrir þann 25 febrúar 2020 og sendi inn umsögn um að opnunartími yrði 8-10 og 14 - 19.30 á virkum dögum í sumar.

Fjölskylduráð fjallar um starfsemi sundlaugarinnar á Raufarhöfn sumarið 2020.

Norðurþingi stendur til boða að nýta heitan pott sem er í eigu AG Briem fyrrverandi rekstraraðila sundlaugarinnar.

Sumaropnun er hafin í sundlaug Raufarhafnar.
Starfsemi laugarinnar er til kynningar fyrir Fjölskylduráði.

Fyrir fjölskylduráði liggur erindi frá Hverfisráði Raufarhafnar vegan málefna sundlaugar á Raufarhöfn.

AG Briem sem var með rekstur íþróttamiðstöðvarinnar á Raufarhöfn hafa geymt heitan pott við sundlaugina frá því að þau hættu rekstri.
Potturinn hefur verið notaður með góðfúslegu leyfi AG Briem sundlaugargestum til heilla.
Nú er svo komið að AG Briem hyggjast fjarlægja pottinn.

Fyrir skipulags- og framkvæmdaráði liggur tilboð frá Seglagerðinni Ægi, minnisblað frá rekstraraðila sundlaugar á Raufarhöfn, íþrótta- og tómstundafulltrúa Norðurþings, ásamt skýrslu frá Verkís varðandi orkunotkun íþróttamiðstöðvarinnar. Um er að ræða að fjárfestingu í seglyfirbreiðslu yfir sundlaugina þar svo hægt verði að lágmarka varmatap úr lauginni og halda uppi ásættanlegu hitastigi á vatninu sem oft hefur verið vandamál, sérstaklega yfir vetrarmánuðina. Yfirbreiðslan hefur fjölþættan tilgang en með minni raka minnkar þörfin fyrir loftræsingu og dregur úr rakaskemmdum á byggingarhlutum.
Óskað er afstöðu skipulags- og framkvæmdaráðs til fjárfestingarinnar, en um endurnýjun eldri einangrunardúks er að ræða sem var fjarlægður fyrir nokkru vegna lélegs ástands og afleiddra vandamála.

Skipulags- og framkvæmdaráð samþykkti á 82.fundi sínum að endurnýja yfirbreiðslu yfir sundlaugina á Raufarhöfn. Yfirbreiðslan er væntanleg í desember samkvæmt upplýsingum frá söluaðila.
Yfirbreiðslan mun gera það að verkum að hægt verður að halda uppi hita á lauginni þannig að hægt sé að halda opnu en það hefur gengið erfiðlega eftir að gluggar voru endurnýjaðir og kyndingu hússins breytt.