Tillaga um undirbúning Mærudaga 2020

Á hverju ári halda Húsvíkingar upp á sínar bæjarhátíð Mærudaga. Það er mikilvægt að skapa
jákvæða og góða stemningu meðal íbúa og virkja þá til þátttöku í aðdraganda hátíðarinnar. Þess
vegna þarf Norðurþing að huga að aðstöðusköpun fyrir hvers konar undirbúning.

Bylgja Steingrímsdóttir og Eiður Pétursson leggja því til að sveitarfélagið hefji undirbúning að Mærudögum 2020. Liður í því er að útvega hverfislitanefndum aðstöðu til sköpunar á hvers konar útilistaverkum sem prýða Húsavík
á þessari bæjarhátíð og til undirbúnings fyrir hátíðina.

Fjölskylduráð fjallar um undirbúning Mærudaga 2020.

Á 47. fundi fjölskylduráðs var eftirfarandi bókað:
Fjölskylduráð leggur til í ljósi þess að Mærudagar hafa verið haldnir á Húsavík í rétt um aldarfjórðung og þar sem allir hafa skoðun á hátíðinni, framkvæmd hennar og framtíð að notuð verði samráðsgáttin Betra Ísland til að kanna hug íbúa til framkvæmdar Mærudaga 2020. Sveitarfélagið Norðurþing gegnir mikilvægu hlutverki í framkvæmd hátíðarinnar en íbúar Húsavíkur gegna þó lykilhlutverki í framkvæmdinni svo það er vel við hæfi að íbúum verði boðið tækifæri á að taka þátt í þeirri vinnu sem framundan er við að marka stefnu um Mærudaga til framtíðar. Ráðið felur fjölmenningarfulltrúa að útfæra spurningar og leggja fyrir ráðið.

Á hverju ári halda Húsvíkingar upp á sína bæjarhátíð Mærudaga. Það er mikilvægt að skapa jákvæða og góða stemningu meðal íbúa og virkja þá til þátttöku í aðdraganda hátíðarinnar. Þess vegna þarf Norðurþing að huga að aðstöðusköpun fyrir hvers konar undirbúning. Bylgja Steingrímsdóttir og Eiður Pétursson leggja því til að sveitarfélagið hefji undirbúning að Mærudögum 2020. Liður í því er að útvega hverfislitanefndum aðstöðu til sköpunar á hvers konar útilistaverkum sem prýða Húsavík á þessari bæjarhátíð og til undirbúnings fyrir hátíðina.