Forvarnarstefna Norðurþings

Fjölskylduráð ræddi drög að forvarnarstefnu fyrir sveitarfélagið Norðurþing. Stefnan verður tekin til umræðu á fundi ráðsins þann 11. febrúar þar sem ákveðið verður hvað fellur undir stefnuna. Ráðið felur sviðsstjórum að taka saman þau verkefni sem þegar eru í gangi hjá sveitarfélaginu og hafa forvarnargildi. Fjölskylduráð hyggst svo halda vinnufund þann 18. febrúar til að móta stefnuna og að í framhaldi verði henni vísað til sveitarstjórnar til samþykktar.

Rætt var um fyrirkomulag við gerð forvarnarstefnu Norðurþings og hverjir skyldu kallaðir að þeirri vinnu með sveitarfélaginu. 23. fundur ráðsins verður alfarið tekinn í vinnu við forvarnarstefnuna.

Fundur Fjölskylduráðs var helgaður vinnu að forvarnarstefnu Norðurþings þar sem ráðið ræddi hana. Til fundarins komu fulltrúar frá skólum, íþróttafélaginu Völsungi og lögreglu og er þeim þakkað fyrir komuna.

Stefnt er að drög að stefnunni liggi fyrir umræðu á fundi fjölskylduráðs þann 4. mars.

Formaður fjölskylduráðs gerði grein fyrir stöðu vinnu við forvarnarstefnu. Ráðið felur sviðsstjórum fjölskyldusviðs að eiga samtal við Þekkingarnet Þingeyinga um ráðgjöf og áframhaldandi vinnslu stefnunar. Jafnframt var formanni falið að senda sveitarstjórn minnisblað sitt um stöðu málsins.

Fræðslufulltrúi fór yfir stöðu vinnu við forvarnarstefnu.

Fjölskylduráð ræddi tilboð frá Þekkingarneti Þingeyinga í gerð forvarnastefnu. Ráðið hefur unnið minnisblað um þau áhersluatriði sem það vill leggja áherslu á við gerð stefnunnar. Ráðið hefur á fundum sínum jafnframt rætt um að sett verði af stað heildstæð vinna við fjölskyldustefnu sveitarfélagsins og að forvarnastefna falli inn í þá vinnu. Fræðslufulltrúa er falið að kalla eftir að fulltrúar frá Þekkingarneti Þingeyinga komi á fund ráðsns í næstu viku. Ráðið frestar að taka afstöðu til tilboðsins.

Fjölskylduráð þakkar Grétu Bergrúnu fyrir komuna og umræðu um verktilboð frá Þekkingarneti Þingeyinga. Ráðið frestar afgreiðslu málsins og felur sviðstjórum fjölskyldusviðs að afla frekari gagna og taka málið fyrir að nýju á fundi ráðsins í byrjun júní.

Fjölskylduráð fjallaði um Forvarnarstefnu Norðurþings og felur sveitarstjóra og sviðstjórum fjölskyldusviðs að funda með Þekkinganeti Þingeyinga um verkstjórn og útfærslur um aðgerðaráætlun í forvörnum til næstu ára og leggja fyrir ráðið á næsta fundi þess.

Fjölskylduráð þakkar Lilju B. Rögnvaldsdóttir fyrir kynninguna á þarfagreiningu vegna forvarnarstefnu sem unnin var af Þekkinganeti Þingeyinga.

Ráðið heldur áfram vinnu sinni við Forvarnarstefnu Norðurþings.