Fjölskylduráð

Fjölskylduráð heimsótti Breiðarblik, félagsaðstöðu Félags eldri borgara á Raufarhöfn og fékk kynningu á starfssemi félagsins frá félögum auk þess sem farið var yfir ástand húsnæðisins. Formaður skipulags- og framkvæmdaráðs og umsjónarmaður fasteigna sveitarfélagsins sátu fundinn undir þessum lið. Þak hússins er mjög lekt og húsið allt komið á umtalsvert viðhald. Mikilvægt er að ráðast í endurbætur á þakinu ef starfsemi á áfram að vera í húsnæðinu. Rætt var um mögulegar leiðir. Formaður fjölskylduráðs mun taka frekara samtal við formann Félags eldri borgara á Raufarhöfn í framhaldi.

Fjölskylduráð heimsótti Grunskóla Raufarhafnar. Magnús Matthíasson og Olga Friðriksdóttir fóru yfir skóladagatal 2019-2020 og sýndu ráðinu skólahúsið auk þess sem fulltrúar í ráðinu skoðuðu aðstöðu leikskólans. Fjölskylduráð samþykkir fyrirliggjandi skóladagatal.

Fjölskylduráð ákveður að framlengja umsóknarfrest um stöður kennara og skólastjóra um 2 vikur.

Fjölskylduráð ræddi um jafnréttisáætlun Norðurþings 2019 til 2022. Félagsmálastjóri fór yfir drög að áætluninni og punkta um aðgerðaáætæun og hlutverk fjölskylduráðs sem jafnréttisnefndar. Fulltrúar munu leggja fram punkta sína til félagsmálastjóra og verður málið tekið til umræðu á síðastu fundi ráðsins í maí og stefnt að því að ljúka þá áætluninni og að henni verði í framhaldi vísað til sveitarstjórnar til staðfestingar á fundi í júní.

Fjölskylduráð ræddi tilboð frá Þekkingarneti Þingeyinga í gerð forvarnastefnu. Ráðið hefur unnið minnisblað um þau áhersluatriði sem það vill leggja áherslu á við gerð stefnunnar. Ráðið hefur á fundum sínum jafnframt rætt um að sett verði af stað heildstæð vinna við fjölskyldustefnu sveitarfélagsins og að forvarnastefna falli inn í þá vinnu. Fræðslufulltrúa er falið að kalla eftir að fulltrúar frá Þekkingarneti Þingeyinga komi á fund ráðsns í næstu viku. Ráðið frestar að taka afstöðu til tilboðsins.

Farið yfir fundargerð 3. fundar fötlunarráðs. Fundargerð lögð fram.