Forgangsverkefni áfangastaðaáætlunar á Norðurlandi

Árið 2018 var gerð áfangastaðaáætlun fyrir Norðurland, þar sem gert var stöðumat á ferðaþjónustu á Norðurlandi og forgangsröðun verkefna til næstu þriggja ára. Nú hefur Markaðsstofa Norðurlands óskað eftir samstarfi við sveitarfélögin á svæðinu til uppfærslu á viðkomandi lista. Óskað er eftir að sveitarfélagið sendi inn nýjan topp 5 lista yfir mikilvægustu uppbyggingarverkefni innan Norðurþings til næstu 2 ára. Fyrir fundi byggðarráðs liggja hugmyndir að mikilvægum verkefnum frá annarsvegar Húsavíkurstofu og hinsvegar Norðurhjara, ferðamálasamtökum.