Ósk um að sveitarfélagið heimili og komi að verki er viðkemur uppsetningu minningarreits í gamla kirkjugarðinum.

Helga Kristinsdóttir f.h. Kirkjugarða Húsavíkur óskar eftir heimild og aðkomu Norðurþings að verki er viðkemur uppsetningu minningarreits í Gamla kirkjugarðinum á Húsavík, sem varðveita mun gamlan legstein sem hefur verið á vergangi í langan tíma. Aðkoma bæjarins að verkinu væri eftirfarandi, fá endurgjaldslaust fyllingarefni sem til þarf, komið á staðinn, frágengið og þjappað ásamt hleðslugrjóti sem einnig er komið á hleðslustað.

Á 73. fundi skipulags- og framkvæmdaráðs sem haldinn var þann 14. júlí sl. var lagt fram erindi frá Helgu Kristinsdóttur fh. Kirkjugarða Húsavíkur þar sem óskað var heimildar og aðkomu Norðurþings að uppsetningu minningarreits í gamla kirkjugarðinum á Húsavík. Skipulags- og framkvæmdaráð frestaði ákvarðanatöku í málinu og kallaði eftir nauðsynlegum gögnum frá Sóknarnefnd s.s. upplýsingum um kostnaðarhlut Norðurþings og efnisgerð.
Málið er lagt fyrir skipulags- og framkvæmdaráð að nýju þar sem framlögð eru umbeðin gögn frá Sóknarnefnd varðandi verkefnið.