Borgarhólsskóli - Beiðni um viðauka við fjárhagsáætlun 2021

Skólastjóri Borgarhólsskóla óskar eftir viðauka að upphæð kr.8.000.000 við fjárahagsáætlun 2021 vegna endurnýjunar á nemendahúsgögnum og tölvubúnaði.

Á 87. fundi fjölskylduráðs var eftirfarandi bókað: Fjölskylduráð samþykkir ósk skólastjóra Borgarhólsskóla um viðauka við fjárhagsáætlun sviðsins að upphæð 8.000.000 kr. og vísar honum til byggðarráðs.

Skólastjóri Borgarhólsskóla hefur tekið saman minnisblað um hvaða leiða hafi verið leitað innan stofnananna til að mæta kostnaði við kaup á tölvubúnaði og nemendahúsgögnum.

Á 358. fundi byggðarráðs var bókað;
Byggðarráð frestar afgreiðslu málsins og felur sveitarstjóra að afla frekari upplýsinga og leggja fyrir ráðið að nýju.

Nú liggur fyrir byggðarráði minnisblað vegna breytinga á viðaukabeiðninni frá skólastjóra Borgarhólsskóla ásamt uppfærðri viðaukabeiðni.

Viðaukabeiðnin er nú að fjárhæð 7.000.000 króna og er gert ráð fyrir að útgjöldunum verði mætt með lækkun á handbæru fé.