Umsókn um byggingarleyfi fyrir starfsmannaaðstöðu að Höfða 10

Óskað er heimildar til að byggja upp tvö hús að Höfða 10. Annarsvegar mhl. 08 sem er starfsmannaaðstaða fyrir starfsmenn í núverandi bragga (mhl 04) og hinsvegar mhl. 09 sem yrði gistiskáli fyrir starfsmenn. Matshluti 08 er 45 m² að grunnfleti og matshluti 09 er 81 m². Bæði húsin eru byggð úr Terra einingum, veggir úr timbri, klæddir með stálklæðningu að utan. Hönnuður húsanna er Knútur Jónasson hjá Faglausn. Fyrir liggur umsögn eldvarnareftirlits sem gerir ekki athugasemd við uppbyggingu matshluta 08, en leggst gegn uppbyggingu gistiskála á athafnasvæði.

Á fundi sínum þann 14. september fjallaði skipulags- og framkvæmdaráð um ósk Gullmola ehf um leyfi fyrir uppbyggingu tveggja lítilla húsa á Höfða 10. Annarsvegar var um að ræða matshluta 08 sem kaffiaðstöðu og hinsvegar matshluta 09 sem gistiskála. Ráðið samþykkti uppbyggingu matshluta 08 en hafnaði uppbyggingu matshluta 09 í ljósi fyrirliggjandi umsagnar eldvarnareftirlits og þess að húsið passaði illa innan lóðar. Nú liggur fyrir endurbættur uppdráttur af fyrirhuguðu húsi sem fellur betur að lóðinni. Gullmolar óska endurskoðunar á afstöðu til uppbyggingar matshluta 09. Elliði Hreinsson kynnti sjónarmið fyrirtækisins um fjarfund.