Kauptilboð í fasteignina Vallholtsveg 10

Málsnúmer 202201014

Byggðarráð Norðurþings - 383. fundur - 06.01.2022

Borist hefur kauptilboð í eignina Vallholtsveg 10 á Húsavík frá Svölu Jónsdóttur löggiltum fasteignasala hjá Fasteignasölu Akureyrar fyrir hönd Ugga fiskverkun ehf. Kauptilboðið hljóðar upp á 27 milljónir og gildir til 31. janúar 2022.

Eignin var seld á 382. fundi byggðarráðs og er því ekki lengur í eigu sveitarfélagsins, fulltrúi tilboðsgjafa hefur verið upplýstur um það.

Í ágúst 2016 var tekin ákvörðun um að setja fasteignina að Vallholtsvegi 10 í söluferli. Í kjölfarið var eignin auglýst og fóru af stað viðræður við Val ehf. um kaup á eigninni sem ekki varð af. Í mars síðastliðinn barst tilboð í eignina sem var hafnað en byggðarráð lýsti sig tilbúið til viðræðna um uppbyggingu á lóðinni.
Í nóvember barst nýtt tilboð í eignina sem meirihluti byggðarráðs samþykkti eftir að hafa fundað með tilboðsgjafa. Í kjölfar þess að tilboði er tekið og málið fullnustað með afgreiðslu byggðarráðs í desember sl., berst sveitarfélaginu það tilboð sem hér er kynnt. Í ljósi ferils málsins og afgreiðslu þess er byggðarráði ekki stætt á að taka afstöðu til umrædds tilboðs, í eign sem nú þegar er seld.