Dimmuborgir ehf.sækir um lóð að Lyngholti 26-32

Dimmuborgir ehf óska eftir lóðinni að Lyngholti 26-32 til byggingar raðhúss. Fyrirvari er settur á umsóknina um að heimild fáist til að byggja sex íbúða raðhús á lóðinni. Jafnframt kynnti skipulags- og byggingarfulltrúi tillögu að breytingu deiliskipulags sem fælist í að heimila sex íbúða raðhúss á lóðinni. Breytingartillaga er unnin af Helga Hafliðasyni arkitekt.

Á 119. fundi skipulags- og framkvæmdaráðs var eftirfarandi bókað:

Skipulags- og framkvæmdaráð leggur til við sveitarstjórn að Dimmuborgum ehf. verði úthlutað lóðinni, með fyrirvara um gildistöku fyrirhugaðrar breytingar deiliskipulags. Skipulags- og byggingarfulltrúa er falið að grenndarkynna fyrirliggjandi tillögu að breytingu á deiliskipulagi. Nágrannar teldust í því samhengi vera eigendur Lyngholts 18-24, Lyngholts 34-40, Stekkjarholts 15 og Stakkholts 9 og 14.