Ósk um breytingu á deiliskipulagi þjónustusvæðis V3 við golfvöllinn á Húsavík
Málsnúmer 202312036
Vakta málsnúmerSkipulags- og framkvæmdaráð - 177. fundur - 19.12.2023
Góð Hótel ehf óska eftir því að gerðar verði breytingar á deiliskipulagi lóðar undir hótel á þjónustusvæðis V3 við golfvöllinn á Húsavík. Óskað er eftir að breyting innifeli breytta aðkomu að lóðinni og endurskoðaða byggingarskilmála. Meðfylgjandi erindi eru hugmyndir að uppbyggingu á lóðinni frá Lendager Group arkitektum.
Skipulags- og framkvæmdaráð hugnast þær hugmyndir sem kynntar eru af uppbyggingu á lóðinni. Ráðið er reiðubúið að fjalla um tillögu að breytingu deiliskipulagsins sem miðar að þeirri uppbyggingu sem Góð Hótel ehf hafa kynnt og býður umsækjanda að útbúa tillögu að breytingu deiliskipulags til umfjöllunar hjá ráðinu.
Skipulags- og framkvæmdaráð - 202. fundur - 05.11.2024
Fyrir liggur tillaga Arnhildar Pálmadóttur skipulagsráðgafa hjá S. AP arkitektum að breytingu deiliskipulags þjónustusvæðis V3 við golfvöllinn á Húsavík. Breytingin felur í sér nýja aðkomu að lóð undir hótel. Ennfremur er lóð undir hótel og byggingarreitur stækkuð til suðurs og byggingarskilmálar lóðarinnar rýmkaðir. Nýtingarhlutfall lóðarinnar breytist þó ekki.
Skipulags- og framkvæmdaráð telur að fyrirliggjandi tillaga að deiliskipulagsbreytingu sé í samræmi við umfjöllun ráðsins 19. desember 2023 og felur skipulags- og byggingarfulltrúa að kynna breytingartillöguna skv. ákvæðum skipulagslaga.