Erindi frá píludeild Völsungs

Píludeild Völsungs óskar eftir að fá afnot af norðurenda sundlaugarkjallarans undir pílustarfsemi. Stefna deildarinnar er að byggja upp aðstöðu fyrir almenning en einnig er haft í huga að opna fyrir barna- og unglingastarf. Píludeildin óskar eftir að aðkoma sveitarfélagsins verði efniskaup til að undirbúa aðstöðuna en stjórn og félagsmenn deildarinnar munu leggja til alla vinnu. Kjallarinn er svo gott sem fokheldur sem stendur.

Á 181. fundi fjölskylduráðs 26. mars 2024, var eftirfarandi bókað: Fjölskylduráð samþykkir afnot píludeildar Völsungs af norðurenda sundlaugarkjallarans undir pílustarfsemi og felur íþrótta- og tómstundafulltrúa að ganga frá samningi um afnotin. Fjölskylduráð vísar erindinu hvað varðar endurbætur á húsnæðinu til skipulags- og framkvæmdaráðs þar sem um endurbætur á eign Norðurþings er að ræða.