Afreks- og viðurkenningarsjóður Norðurþings
Æskulýðsnefnd Norðurþings auglýsir eftir umsóknum um styrki úr Afreks- og viðurkenningarsjóði Norðurþings.
Reglur um Afreks- og viðurkenningarsjóð Norðurþings ásamt umsóknareyðublöðum má nálgast hér eða á skrifstofu Norðurþings á Húsavík.Afreks- og viðurkenningarsjóðnum er m.a. ætlað að styrkja og veita íþróttafélögum í sveitarfélaginu viðurkenningu fyrir góðan árangur, drengilega keppni og öflugt íþrótta-, félags- og æskulýðsstarf. Einnig að styrkja og veita viðurkenningar til einstakra afreksmanna á sviði íþrótta, sem keppa fyrir hönd íþróttafélaga í Norðurþingi, til að auðvelda þeim að stunda æfingar í sinni grein og ná árangri.
Umsóknir skal merkja Afreks- og viðurkenningarsjóði Norðurþings og skila til skrifstofu Norðurþings Ketilsbraut 7 - 9; 640 Húsavík eða á netfangið joipals@nordurthing.is. Úthlutað er úr sjóðnum tvisvar á ári, í mars og í október. Umsóknir skulu berast fyrir 6. október 2008.
Nánari upplýsingar veitir undirritaður í síma 464 6196/464619
F.h. Æskulýðsnefndar Norðurþings.
Jóhann Rúnar Pálsson
Æskulýðsfulltrúi Norðurþings